I Yôhan 2:18 - Nau Brah Ndu Ngơi 2023

¹⁸ Hơi phung kon jê̆, aơ jêng mông nglĕ dŭt! Khân may hŏ tăng jêh ma nơm tâm rdâng đah Brah Krist mra văch, jêh ri aƀaơ aơ geh âk jêh nơm tâm rdâng đah Brah Krist văch jêh. Yor nây, he gĭt aơ jêng mông lôch dŭt.

Bunong Bible Latin Script Cambodian dialect

¹⁸ Ơ phung oh nô ta nau nsing i tâm ban ma kon sau gâp, dja jêng mong n'glĕ dŭt ê lor ma Brah Yêsu Krist plơ̆ văch. Khân ay may lĕ tăng jêh, geh du huê kôranh i tâm rdâng đah Brah Krist i văch. Jêh ri aƀaơ dja bunuyh i tâm rdâng đah Brah Krist nây lĕ ŏk ngăn văch, ndri dâng bân gĭt, dja jêng mong n'glĕ dŭt.

Bunong

¹⁸ អើ​ផូង​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់ អ្យា​ជេង​ម៝ង​ងគ្លែៈ​ទុត​អេ​ល៝រ​មា​ឞ្រាស​យេឆូ​ក្រីស  ​ព្លឹ​វាច់។ ខាន់​អៃ​មៃ​លែៈ​តាង់​ជេស គែស​ទូ​ហ្វេ​កោរាញ​អី​តឹម​រាទ៝ង់​ដាស​ឞ្រាស​ក្រីស  ​អី​វាច់។ ជេសរី​អាបៃ​អ្យា​ឞូនុយ្ស​អី​តឹម​រាទ៝ង់​ដាស​ឞ្រាស​ក្រីស  ​នៃ​លែៈ​អ៝ក់​ងាន់​វាច់ នទ្រី​ទឹង​ឞ៝ន់​គឹត អ្យា​ជេង​ម៝ង​ងគ្លែៈ​ទុត។

I Yôhan 2:18 Iomraidhean Croise

Mathay 24:11

Âk nơm mbơh lor nklă mra mpơl jêr ri ndơm âk bunuyh.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:5

Yorlah geh âk bunuyh mra nchơt nklă amoh Gâp văch gay lah pô aơ: ‘Gâp jêng Brah Krist’ jêh ri khân păng mra ndơm âk bunuyh.

Markôs 13:6

Yorlah geh âk bunuyh mra nchơt nklă amoh Gâp văch jêh ri lah pô aơ: ‘Gâp nơm yơh jêng nơm nây!’ jêh ri khân păng mra ndơm âk bunuyh.

Yôhan 21:5

Brah Yêsu ôp: “Hơi phung kon, mâu hĕ geh ka?” Khân păng plơ̆ lah: “Mâu geh ôh.”

Samƀŭt Pôl Njuăl Ăn Ma Phung Nsing Ta Ƀon Rôm 13:11

Ƀư hom tâm ban lĕ, yorlah khân may gĭt khân may nơm dôl gŭ rêh tâm moh nôk. Tât jêh mông khân may kah rngăl bê̆ch, yorlah aƀaơ nau tâm rklaih dăch lơn đah nar he rlau lơn dôl he mhe chroh.

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

I Yôhan 2:22

Mbu nơm jêng bunuyh mƀruh, tơlah mâu di hĕ nơm dun Brah Yêsu jêng Brah Krist? Nơm nĕ yơh jêng nơm tâm rdâng đah Brah Krist, nơm dun Brah Ndu Mbơ̆ jêh ri Brah Ndu Kon.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

I Yôhan 4:3

moh brah huêng mâu dơn nanê̆ kơt nĕ ma Brah Yêsu mâu di văch tă bơh Brah Ndu ôh. Nây jêng huêng brah tă bơh nơm tâm rdâng đah Brah Krist, khân may tăng jêh dăch tât, jêh ri aƀaơ gŭ jêh tâm neh ntu.

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.

Yuđas 1:18

Khân păng lah jêh ma oh nâu: “Tâm rnôk nglĕ dŭt mra geh phung mưch rmot, nchuăt tĭng nâm lĕ nau kơnh ŭch mâu blau yơk khân păng nơm.”