I Yôhan 2:14 - Nau Brah Ndu Ngơi 2023

¹⁴ Hơi phung kon jê̆ lê̆, gâp nchih ma khân may yorlah khân may gĭt năl jêh Kôranh Brah Mbơ̆. Hơi phung mbơ̆, gâp nchih ma khân may gĭt năl jêh Nơm jêng bunuyh ntơm saơm. Hơi phung druh ndăm, gâp nchih ma khân may yorlah khân may jêng ktang, nau ngơi Brah Ndu gŭ tâm khân may, jêh ri khân may dơi jêh đah phung brah mhĭk.

Bunong Bible Latin Script Cambodian dialect

¹⁴ Ơ phung kon se, gâp nchih samƀŭt dja njuăl ăn khân ay may Yorlah khân ay may lĕ năl jêh Kôranh Brah Bơ̆. Ơ phung bu ranh, gâp nchih samƀŭt dja njuăl ăn khân ay may Yorlah khân ay may lĕ năl jêh Brah Yêsu Krist i lĕ ơm geh bơh ntơm njêng neh ntu nơh ngăn. Ơ phung drôh ndăm, gâp nchih samƀŭt dja njuăl ăn khân ay may Yorlah khân ay may geh n'hâm suan dăng, Jêh ri nau Kôranh Brah gŭ ta khân ay may, Khân ay may lĕ dơi jêh đah nơm djơh.

Bunong

¹⁴ អើ​ផូង​ក៝ន​ឆែ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​កោរាញ​ឞ្រាស​ឞឹ។ អើ​ផូង​ឞូ​រាញ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​ឞ្រាស​យេឆូ​ក្រីស  ​អី​លែៈ​អើម​គែស​ឞើស​នតើម​ញជេង​នែស​នតូ​នើស​ងាន់។ អើ​ផូង​ទ្រោស​នទាម់ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​គែស​នហ៝ម់​ឆ្វាន​ទាង់‌ ជេសរី​នាវ​កោរាញ​ឞ្រាស​គុ​តា​ខាន់​អៃ​មៃ‌ ខាន់​អៃ​មៃ​លែៈ​ទើយ​ជេស​ដាស​នើម​អ្យើស។

I Yôhan 2:14 Iomraidhean Croise

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Yôhan 15:7

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Yôhan 5:38

jêh ri nau Păng ngơi mâu gŭ tâm khân may ôh, yorlah khân may mâu chroh ôh ma Nơm Păng hŏ njuăl văch.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

Yôhan 8:37

Gâp gĭt khân may jêng phung kon sau Y-Abraham, ƀiălah khân may joi nau ŭch ƀư nkhĭt gâp, yorlah nau Gâp ngơi mâu lăp ôh tâm khân may.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

I Yôhan 1:10

Ƀiălah tơlah he lah he nơm mâu mâp ƀư tih, pô ri he ngơi mƀruh, jêh ri nau Păng ngơi mâu gŭ tâm he ôh.

I Yôhan 2:13

Hơi phung mbơ̆, gâp nchih ma khân may yor khân may năl jêh Nơm jêng bunuyh ntơm saơm. Hơi phung druh ndăm, gâp nchih ma khân may yor khân may dơi jêh đah phung brah mhĭk.

II Yôhan 1:2

yor nau ngăn gŭ tâm he jêh ri mra gŭ ndrel he n'ho ro.

III Yôhan 1:3

Gâp răm ngăn ngên tơlah ƀaƀă phung oh nâu văch ta aơ mbơh nkoch ma may răp jăp ƀaƀơ tâm nau ngăn, nâm bu may hôm chuat tĭng nau ngăn.

Nau Tâm Mpơl 2:3

May srôih, nsrôih dơn yor amoh Gâp mâu geh nau rgănh ôh.

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”