I Yôhan 2:1 - Nau Brah Ndu Ngơi 2023

¹ Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.

Bunong Bible Latin Script Cambodian dialect

¹ Ơ phung oh nô ta nau nsing i tâm ban ma kon sau gâp, gâp ŭch nchih dâng lĕ nau dja ăn khân ay may, gay ma khân ay may mâu ôh jan tih. Yơn ma lah bu moh i hôm jan tih, bân lĕ geh jêh du huê nơm sơm kơl koh bân ta năp măt Kôranh Brah Bơ̆, nơm i nây Brah Yêsu Krist i nơm sŏng ngăn.

Bunong

¹ អើ​ផូង​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់ គ៝ប់​អុច​ញចីស​ទឹង​លែៈ​នាវ​អ្យា​អ៝ន់​ខាន់​អៃ​មៃ គៃ​មា​ខាន់​អៃ​មៃ​មោ​អោស​ជាន​តីស។ យើន​មា​លាស​ឞូ​ម៝ស​អី​ហោម​ជាន​តីស ឞ៝ន់​លែៈ​គែស​ជេស​ទូ​ហ្វេ​នើម​ឆើម​កើល​ក៝ស​ឞ៝ន់​តា​នាប់​មាត់​កោរាញ​ឞ្រាស​ឞឹ នើម​អី​នៃ​ឞ្រាស​យេឆូ​ក្រីស  ​អី​នើម​ឆ៝ង់​ងាន់។

I Yôhan 2:1 Iomraidhean Croise

Nau Mprơ Ơm 4:4

Klach nsâr hom jêh ri lơi ta ƀư tih ôh; Dôl gŭ bê̆ch ta klơ sưng, mĭn rvê hom tâm nuih n'hâm jêh ri gŭ rklăk. (Sêla)

Êsêkiêl 3:21

Ƀiălah, tơlah may mbơh ăn nơm sŏng srăng lơi ta ƀư tih ôh, jêh ri bunuyh nây mâu ƀư tih ôh n'hêl nanê̆ bunuyh nây mra rêh yorlah iăt jêh nau mbơh lor, jêh ri may mra tâm rklaih jêh huêng may nơm.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Yôhan 10:15

tâm ban ma Mbơ̆ gĭt năl Gâp, jêh ri Gâp gĭt năl Mbơ̆. Gâp jao nau rêh Gâp nơm ma phung biăp.

Yôhan 13:33

Hơi phung kon jê̆, Gâp mâu hôm gŭ ndrel ma khân may jŏ jong ôh. Khân may mra joi Gâp, jêh ri tâm ban Gâp lah jêh ma phung Yuđa: ‘Ta ntŭk Gâp hăn khân may mâu dơi hăn ôh,’ pôri aƀaơ Gâp lah ma khân may tâm ban lĕ.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 21:5

Brah Yêsu ôp: “Hơi phung kon, mâu hĕ geh ka?” Khân păng plơ̆ lah: “Mâu geh ôh.”

Yôhan 5:14

Pakơi nây, Brah Yêsu mâp bunuyh nây tâm ngih Brah, jêh ri lah ma păng: “Aơ, may hŏ bah ji jêh, lơi hôm may ƀư tih ôh, klach lah geh nau mhĭk lơ hô rlau lơn tât ma may.”

Yôhan 5:36

Ƀiălah Gâp geh du nau mbơh nkoch dŭt toyh rlau lơn ma nau Y-Yôhan; yorlah lĕ kan Mbơ̆ hŏ jao Gâp ƀư lôch jêh, lĕ kan Gâp dôl ƀư aơ, mbơh nkoch pô aơ Mbơ̆ hŏ njuăl Gâp.

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 8:11

Bu ur nây plơ̆ lah: “Hơi Kôranh Brah, mâu hôm geh bunuyh đŏng ôh.” Brah Yêsu lah: “Gâp ăt mâu tâm rmal ay; hăn hom, lơi hôm ƀư tih đŏng ôh.”]

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

Samƀŭt Pôl Njuăl Ăn Ma Phung Nsing Ta Ƀon Rôm 8:34

Mbu mra jêng bunuyh tâm rmal khân păng, nôk Brah Yêsu Krist jêng Nơm hŏ khĭt jêh ri hŏ dâk rêh tay, Nơm gŭ mpeh pa ma Brah Ndu jêh ri mbơh sơm kơl an ma phung he?

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 4:19

Hơi phung kon gâp, yor phung khân may gâp tuy dơn nau nđêh nji tâm ban ma nau ji deh kon kŏ tât nôk Brah Krist jêng tâm khân may!

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

I Timôthê 2:5

Yorlah geh knŏng du huê Brah Ndu, jêh ri geh knŏng du huê Nơm Tâm Nklang vah vang Brah Ndu jêh ri kon bunuyh, jêng Brah Yêsu Krist, jêng bunuyh đŏng.

I Timôthê 3:14

Gâp ŭch hăn gơnh chop khâl may, ƀiălah hôm nchih nau aơ,

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

Yakơ 3:9

He dŏng mpiăt mprơ mât ton tâm rnê ma Kôranh Brah, Mbơ̆ he, jêh ri sŏk đŏng mpiăt gay rak rtăp ma kon bunuyh, Brah Ndu rhăk njêng jêh tĭng rup Păng nơm.

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 3:18

Hơi phung kon jê̆, lơi rŏng tâm nau ngơi jêh ri ta mbung mpiăt, ƀiălah rŏng hom tâm nau kan jêh ri ma nau nanê̆ ngăn.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Yôhan 5:17

Lĕ rngôch mâu sŏng srăng jêng nau tih da dê, ƀiălah geh đŏng nau tih mâu tât nau khĭt.

I Yôhan 5:21

Hơi phung kon jê̆, njrăng hom bơh rup brah!

III Yôhan 1:4

Mâu geh ôh moh nau ƀư ma gâp răm maak rlau lơn jêng tăng phung kon gâp chuat tĭng nau ngăn.