I Yôhan 1:9 - Nau Brah Ndu Ngơi 2023

⁹ Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

Bunong Bible Latin Script Cambodian dialect

⁹ Yơn ma lah bân mbơh nau tih bân nơm ma Kôranh Brah, Kôranh Brah yô̆ mâu hôm kơp nau tih bân, n'ho ma tâm ban ma rao bân ăn jêng kloh mâu hôm geh nau djơh nau kue, yorlah Păng răp jăp, Păng sŏng, Păng jan tâng dâng lĕ nau Păng ton nơh.

Bunong

⁹ យើន​មា​លាស​ឞ៝ន់​មឞើស​នាវ​តីស​ឞ៝ន់​នើម​មា​កោរាញ​ឞ្រាស កោរាញ​ឞ្រាស​យោៈ​មោ​ហោម​កើប​នាវ​តីស​ឞ៝ន់ នហ៝​មា​តឹម​ឞាន​មា​រាវ​ឞ៝ន់​អ៝ន់​ជេង​ក្ល៝ស​មោ​ហោម​គែស​នាវ​អ្យើស​នាវ​ក្វែ យ៝រ​លាស​ពាង់​រាប់​ជាប់ ពាង់​ឆ៝ង់ ពាង់​ជាន​តឹង​ទឹង​លែៈ​នាវ​ពាង់​ត៝ន​នើស។

I Yôhan 1:9 Iomraidhean Croise

I Phung Hađăch 8:30

Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk May gŭ ta klơ trôk, dăn May hŏ tăng jêh ri sâm yô̆ an.

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 33:8

Gâp mra ƀư kloh lĕ rngôch nau mhĭk khân păng hŏ ƀư tih jêh ma Gâp, yô̆ an lĕ rngôch nau tih khân păng hŏ ƀư tâm ban ma nau tih uh ah tâm rdâng đah Gâp.

Nau Nhĭm Vơl 3:23

Tâm ăp ôi, Nau yô̆ nđach Kôranh Brah mhe mro, Nau răp jăp May jêng toyh hâu ngăn.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 37:23

Khân păng mâu mra ƀư nau ƀơ̆ ƀơch êng tă bơh ma lĕ rup brah đŏng ôh, mâu lah tă bơh lĕ ndơ ƀơ̆, mâu lah tă bơh lĕ rngôch nau tih khân păng hŏ ƀư jêh. Gâp mra tâm rklaih khân păng tă bơh lĕ rngôch ntŭk khân păng hŏ ƀư tih. Gâp mra ƀư kloh khân păng; khân păng mra ƀư phung ƀon lan Gâp jêh ri Gâp mra ƀư Brah Ndu khân păng.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 3:6

Khân păng mbơh nau tih jêh ri păng ƀư ƀaptem ma khân păng tâm dak krong Yurdan.

Markôs 1:5

Phung ƀon lan lam n'gor bri Yuđa jêh ri ƀon Yêrusalem hăn ma păng da dê, mbơh nau tih khân păng nơm jêh ri Y-Yôhan ƀư ƀaptem ma khân păng tâm dak krong Yurdan.

Luka 22:57

Ƀiălah Y-Pêtrôs dun jêh ri lah: “Aơ ruh ri, gâp mâu gĭt năl păng ôh!”

Yôhan 17:25

Ơ Mbơ̆ sŏng srăng, neh ntu mâu gĭt năl Mbơ̆ ôh, ƀiălah Kon gĭt năl jêh Mbơ̆, jêh ri phung aơ hŏ gĭt jêh Mbơ̆ njuăl Kon văch.

Kôranh Oh Mon 19:18

Âk bunuyh hŏ chroh jêh, văch mbơh nau tih jêh ri mpơl ma lĕ nau khân păng ƀư jêh.

Samƀŭt Pôl Njuăl Ăn Ma Phung Nsing Ta Ƀon Rôm 3:26

Tâm rnôk nây, Păng tâm mpơl ma Păng yơh jêng nau sŏng srăng păng jêh ri kơp sŏng srăng ma mbu nơm geh nuih n'hâm chroh ma Brah Yêsu.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

I Timôthê 1:15

Aơ jêng nau ngơi ngăn jêh ri dơi khư sŏk dơn: Brah Yêsu Krist văch jêh tâm neh ntu gay tâm rklaih phung tih; tâm phung tih nây, gâp jêng bunuyh tih lơn

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 11:11

Yor ma nau chroh, yơh H'Sara dơi deh kon, nđâp tơlah mâu bă kon jêh ri hŏ ranh kđôi lĕ, yorlah păng chroh ma Nơm ton jêh ma păng nơm jêng nau răp jăp.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!