I Yôhan 1:7 - Nau Brah Ndu Ngơi 2023

⁷ Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Bunong Bible Latin Script Cambodian dialect

⁷ Yơn ma lah bân gŭ rêh tâng nau Păng ŭch, bân tâm ban ma gŭ ta nau ang, kơt Păng gŭ ta nau ang đŏng. Lah ndri bân lĕ gŭ tâm rnglăp băl ndrel mham Brah Yêsu nơm i Kon Kôranh Brah tâm ban ma rao dâng lĕ nau tih bân ăn bân jêng kloh ta năp măt Kôranh Brah.

Bunong

⁷ យើន​មា​លាស​ឞ៝ន់​គុ​រេស​តឹង​នាវ​ពាង់​អុច ឞ៝ន់​តឹម​ឞាន​មា​គុ​តា​នាវ​អាង កើត​ពាង់​គុ​តា​នាវ​អាង​ដ៝ង់។ លាស​នទ្រី​ឞ៝ន់​លែៈ​គុ​តឹម​រាង្លាប់​ឞាល់​នទ្រែល​មហាម​ឞ្រាស​យេឆូ  ​នើម​អី​ក៝ន​កោរាញ​ឞ្រាស​តឹម​ឞាន​មា​រាវ​ទឹង​លែៈ​នាវ​តីស​ឞ៝ន់​អ៝ន់​ឞ៝ន់​ជេង​ក្ល៝ស​តា​នាប់​មាត់​កោរាញ​ឞ្រាស។

I Yôhan 1:7 Iomraidhean Croise

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 56:13

Yorlah May tâm rklaih jêh gâp bơh khĭt, Jêh ri kuăn jâng gâp bơh chêh prah, Gay ma gâp hăn tanăp măt Brah Ndu Tâm nau ang ma nau rêh.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 33:24

Mâu geh du huê bunuyh ƀon lan mra lah, “Gâp ji.” Phung ƀon lan gŭ ta nây mra dơi yô̆ nau tih.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Amôt 3:3

Tơlah bar hê mâu du ai nau mĭn, Pôri mâm dơi hăn nsum tâm du trong?

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Mathay 6:12

Yô̆ an ma nau tih hên, Tâm ban ma hên yô̆ an jêh ma bunuyh ƀư tih đah hên;

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 1:5

Aơ jêng nau nti hên tăng jêh bơh Păng jêh ri mbơh ma khân may: Brah Ndu jêng nau ang, tâm Păng mâu geh nau ngo ôh.

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.

I Yôhan 5:8

Geh pe ntil nau mbơh: Brah Huêng Ueh, dak jêh ri mham; lĕ pe ntil tâm rnglăp ndrel.

II Yôhan 1:4

Gâp maak hâu ngăn ngên saơ ƀaƀă tâm phung kon ay hăn tĭng nau ngăn, tâm di tĭng nâm nau vay ntăm he sŏk dơn bơh Brah Ndu Mbơ̆.

III Yôhan 1:4

Mâu geh ôh moh nau ƀư ma gâp răm maak rlau lơn jêng tăng phung kon gâp chuat tĭng nau ngăn.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.