I Timôthê 5:3 - Nau Brah Ndu Ngơi 2023

³ Yơk hom ma bu ur ndrô, n'hêl nanê̆ jêng ndrô.

Bunong Bible Latin Script Cambodian dialect

³ Ăn kơl ma bu ur ndrô lĕ khât sai, i mâu hôm geh ntŭk nsing ngăn.

Bunong

³ អ៝ន់​កើល​មា​ឞូ​អូរ​នទ្រោ​លែៈ​ខឹត​ឆាយ អី​មោ​ហោម​គែស​នតុក​ញឆីង​ងាន់។

I Timôthê 5:3 Iomraidhean Croise

Ndrom Samƀŭt bơh Yôp 29:13

Bunuyh ndrel tâm nau rêh ni lĕ dăch khĭt hôm ăn nau ueh uĭn ma gâp, Gâp ƀư an nau mprơ hâk răm ăn hao tâm nuih n'hâm bu ur ndrô.

Ndrom Samƀŭt bơh Yôp 31:16

Tơlah gâp dun nau phung o ach ŭch, Ƀư ăn măt phung bu ur ndrô huănh,

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 94:6

Khân păng tâm rmot phung bu ur ndrô jêh ri bu năch, Nkhĭt lơi phung kon đơi.

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Mathay 15:6

Pônây, yor ma nau vay dŏng khân may nơm, khân may chalơi jêh nau Brah Ndu ngơi.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Luka 2:37

jêh nây păng gŭ ndrô, tât aƀaơ păng geh pham jât ma puăn năm. Păng mâu mâp du tă bơh ngih brah, ăt măng nâm nar pah kan ma Brah Ndu, ât sông sa jêh ri mbơh sơm.

Luka 7:12

Nôk Păng văch dăch ta mpông ƀon, bu mhe luh tung du huê bunuyh khĭt, jêng kon bu klâu kon dul bu ur ndrô. Geh âk bunuyh gŭ tâm ƀon nây tă bơh ƀon hăn njŭn nau khĭt ndrel bu ur nây.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Kôranh Oh Mon 6:1

Tâm nôk nây, rnoh phung oh mon lơ âk; phung Yuđa ngơi nau ngơi Grek ngơi ƀrôk, nduyh ma phung Yuđa ngơi nau Aram, yorlah bu chalơi mâu pă ndơ sông sa ăp nar ma phung bu ur ndrô khân păng.

Kôranh Oh Mon 9:39

Y-Pêtrôs dâk hăn ndrel ma bar hê khân păng. Tơlah păng tât ta ntŭk nây, bu njŭn leo păng ta jrô klơ nây. Lĕ rngôch phung bu ur ndrô dâk ta meng păng jêh ri nhĭm da dê, jêh ri ăn Y-Pêtrôs uănh dŭm âk ao rjai jêh ri kho ao êng H'Dôrkas hŏ jĭm ma khân păng dôl păng hôm gŭ rêh.

Kôranh Oh Mon 9:41

Y-Pêtrôs yơr ti sâm rdâk păng dâk, păng kuăl phung kloh ueh nđâp ma phung bu ur ndrô văch, ntĭm ăn phung nây saơ păng dâk rêh.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

Nau Vay Nkah Tay 14:29

Nôk nây phung Lêvi, yorlah khân păng mâu geh ôh kô̆ tâm pă jêh ri mâu đŏng dơn nsum drăp ndơn ndrel ma khân may, phung bu năch, phung kon đơi, jêh ri phung bu ur ndrô gŭ tâm ƀon toyh khân may dơi văch da dê sa nhêt ăn hơm. Pônây, Yêhôva Brah Ndu khân may mra ăn nau ueh uĭn ma lĕ rngôch nau kan khân may ƀư.”

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

I Têsalônik 2:6

hên mâu đŏng joi nau chrêk rmah bơh kon bunuyh, mâu lah bơh khân may, mâu lah bơh phung ƀaƀă, nđâp lah jêng kôranh oh mon Brah Krist, gĭt lah hên gay ăn khân may yơk ma hên.

I Timôthê 5:2

phung bu ur ranh tâm ban ma mê̆, phung bu ur druh tâm ban ma oh ruh, ma lĕ rngôch nau kloh ngăn.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

I Pêtrôs 2:17

Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.

I Pêtrôs 3:7

Phung bunuyh ƀư sai tâm ban lĕ, tâm mpơl hom nau gĭt rbăng nôk khân may gŭ rêh ndrel ma ur khân may nơm, yơk ur nâm bu đah phung rdja lơn, yorlah khân păng mra ndrel ma khân may dơn nau rêh bơh nau yô̆, gay mâu geh du ntil ndơ king nau khân may mbơh sơm.