I Timôthê 4:3 - Nau Brah Ndu Ngơi 2023

³ Khân păng buay bu gŭ ur sai, jêh ri ntĭnh ma bu ver lĕ ndơ sông sa Brah Ndu rhăk jêh ma phung chroh jêh ri gĭt rbăng nau ngăn sŏk dơn ma nuih n'hâm gĭt lah ueh.

Bunong Bible Latin Script Cambodian dialect

³ Khân păng buay mâu ăn tâm sŏ ur sai, khân păng mâu ăn ndơ sa aƀă, yơn ma Kôranh Brah lĕ jêh njêng trao i nây, kơt ndri mâu chrao ôh ma phung nsing i lĕ gĭt năl nau ngăn sông sa trao i nây nđâp ma nau lah ueh Kôranh Brah.

Bunong

³ ខាន់​ពាង់​ឞ្វៃ​មោ​អ៝ន់​តឹម​ឆ៝ៈ​អូរ​ឆាយ ខាន់​ពាង់​មោ​អ៝ន់​នទើ​ឆា​អាបាៈ យើន​មា​កោរាញ​ឞ្រាស​លែៈ​ជេស​ញជេង​ត្រាវ​អី​នៃ កើត​នទ្រី​មោ​ច្រាវ​អោស​មា​ផូង​ញឆីង​អី​លែៈ​គឹត​នាល់​នាវ​ងាន់​ឆោង​ឆា​ត្រាវ​អី​នៃ​នអ៝ប់​មា​នាវ​លាស​អ្វែស​កោរាញ​ឞ្រាស។

I Timôthê 4:3 Iomraidhean Croise

Nau Ntơm 9:3

Moh ntil mpa rêh blau mpât nsong jêh ri geh nau rêh jêng ndơ sa ma khân may. Gâp ăn ma khân may lĕ rngôch mpa nây nâm bu Gâp hŏ ăn jêh n'ha biăp ndrêh ma khân may.

Nơm Nti 5:18

Ri, gâp saơ ngăn jêng nau ueh jêh ri jêng di ăn kon bunuyh sa, nhêt, jêh ri dơn nau maak lĕ rngôch kan hŏt păng ƀư tâm dâng nar du bông gŭ rêh Brah Ndu ăn jêh; yorlah nau nây jêng kô̆ ăn ma kon bunuyh dơi dơn.

Daniel 11:37

Hađăch nây mâu mra chrê ôh ma phung brah phung chô yau păng mâu lah brah phung bu ur rŏng. Păng mâu mra uănh lĕ brah jêng khlay ôh; yorlah n'hao êng păng nơm klơ lơn ma lĕ rngôch.

Mathay 14:19

Jêh Păng ntĭnh ma phung ƀon lan nây gŭ ta ndrêch, Păng sŏk prăm mlâm piăng let jêh ri bar mlâm ka, n'gơr măt klơ trôk, lah ueh jêh ri nkê̆ch piăng let ăn ma phung oh mon, khân păng tâm pă ăn ma phung ƀon lan.

Mathay 15:11

Mâu di ndơ lăp tâm trôm mbung ôh ƀư ƀơ̆ bunuyh; ƀiălah ndơ luh tă bơh mbung, ndơ nây yơh ƀư ƀơ̆ bunuyh.”

Mathay 15:36

Păng sŏk pơh mlâm piăng let jêh ri ƀaƀă ka, lah ueh, jêh nây nkê̆ch jêh ri ăn phung oh mon gay khân păng tâm pă ăn ma phung ƀon lan.

Luka 24:30

Dôl Brah Yêsu gŭ sông sa ndrel ma khân păng, Păng sŏk piăng let, lah ueh jêh ri nkê̆ch pă ăn ma phung nây.

Yôhan 6:23

Ƀiălah geh lĕ plŭng ƀaƀă tă bơh ƀon Tibêrias tât nsrŭng dăch ntŭk khân păng sa piăng let jêh Brah Yêsu lah ueh.

Kôranh Oh Mon 27:35

Jêh ngơi pônây, Y-Pôl sŏk piăng let, dâk tanăp lĕ rngôch bunuyh, lah ueh ma Brah Ndu, jêh nây nkê̆ch jêh ri ntơm sa.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 14:3

Bunuyh sa lơi mưch rmot ôh ma nơm mâu geh sa, jêh ri bunuyh mâu geh sa, lơi nduyh ôh ma nơm sa; yorlah Brah Ndu rom păng jêh.

Samƀŭt Pôl Njuăl Ăn Ma Phung Nsing Ta Ƀon Rôm 14:6

Bunuyh prăp nar jêng prăp yor Kôranh Brah; bunuyh sa, sa đŏng yor Kôranh Brah, yorlah khân păng lah ueh ma Brah Ndu; bunuyh mâu sa đŏng mâu sa yor Kôranh Brah lĕ, jêh ri khân păng lah ueh đŏng ma Brah Ndu.

I Kôrintô 6:13

“Ndơ sông sa yor ma ndŭl jêh ri ndŭl yor ma ndơ sông sa,” Brah Ndu mra ƀư rai nau nây nđâp ma nau ri. Săk jăn mâu yor ma nau văng tĭr ôh, ƀiălah yor ma Kôranh Brah, jêh ri Kôranh Brah yor ma săk jăn.

I Kôrintô 7:28

Ƀiălah tơlah may sŏk ur, may mâu ƀư tih ôh; tơlah du huê bu ur druh sŏk sai, păng mâu ƀư tih ôh. Ƀiălah phung bunuyh geh ur sai mra tâm mâp âk nau jêr tâm rnôk aơ; gâp ŭch khân may der bơh nau nây.

I Kôrintô 8:8

Ndơ sông sa mâu ƀư ma he dăch lơn đah Brah Ndu ôh; tơlah mâu sa mâu đŏng mhĭk, bi lah sa mâu đŏng ueh lơn.

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

I Timôthê 2:4

jêng Nơm ŭch ma lĕ rngôch bunuyh dơi klaih jêh ri gĭt năl nau ngăn.

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;

I Timôthê 5:14

Yor ri, gâp ŭch ma phung bu ur ndrô druh ueh lơn sŏk sai, deh kon, mât uănh rnăk vâl khân păng nơm, mâu njêng mông găl ma phung rlăng ngơi bêk prêng.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

I Samuel 9:13

Tơlah khân may lĕ lăp tâm ƀon, khân may mra saơ păng êlor ma păng hăn hao ntŭk prêh klơ gay ma sông sa. Phung ƀon lan mâu mra sông sa lor ôh lah mâu hŏ tât păng, yorlah păng ăn nau ueh uĭn ma mpa ƀư brah; jêh nau nây, phung bu jă mra sa. Pônây, aƀaơ hăn hao hom, yorlah nar aơ n'hêl nanê̆ khân may mra tâm mâp đah păng.”