I Timôthê 1:9 - Nau Brah Ndu Ngơi 2023

⁹ jêh ri ăn gĭt pô aơ nau vay mâu di ôh jêng ma bunuyh sŏng srăng, ƀiălah ma phung ƀư tih nau vay jêh ri ma phung tâm rdâng, phung mâu ƀư tĭng nau vay jêh ri nau tih, ma phung mâu kloh ueh jêh ri roh nau vay, ma phung nkhĭt mê̆ mbơ̆ jêh ri nkhĭt bunuyh,

Bunong Bible Latin Script Cambodian dialect

⁹ Ăn bân kah gĭt, nau vay phung Israel, Kôranh Brah mâu ôh ndrăp gay ma tê̆ dôih ma bunuyh sŏng, yơn ma Păng ăn nau vay i nây ma tê̆ dôih ma phung i mâu jan tâng nau vay, phung mâu iăt nau, phung mâu yơk ma Kôranh Brah, phung jan djơh nâng, phung mâu kloh ueh, phung rak suai Kôranh Brah, phung nkhât mê̆ bơ̆, phung nkhât bu.

Bunong

⁹ អ៝ន់​ឞ៝ន់​កាស​គឹត នាវ​វៃ​ផូង​អីឆ្រាអែល  កោរាញ​ឞ្រាស​មោ​អោស​នទ្រាប់​គៃ​មា​តេៈ​ទោយ្ស​មា​ឞូនុយ្ស​ឆ៝ង់ យើន​មា​ពាង់​អ៝ន់​នាវ​វៃ​អី​នៃ​មា​តេៈ​ទោយ្ស​មា​ផូង​អី​មោ​ជាន​តឹង​នាវ​វៃ ផូង​មោ​អ្យាត់​នាវ ផូង​មោ​យើក​មា​កោរាញ​ឞ្រាស ផូង​ជាន​អ្យើស​នឹង ផូង​មោ​ក្ល៝ស​អ្វែស ផូង​រាក​ឆ្វាយ​កោរាញ​ឞ្រាស ផូង​ងខឹត​មេៈ​ឞឹ ផូង​ងខឹត​ឞូ។

I Timôthê 1:9 Iomraidhean Croise

II Samuel 16:11

Jêh nây Y-Đavit lah ma Y-Abisai jêh ri phung oh mon păng: “Aơ, kon bu klâu gâp nơm, jêng bunuyh luh tă bơh gâp, ŭch ƀư roh lơi nau rêh gâp, rlau lơn ma bu klâu Benjamin aơ! Lơi pha lah păng, ăn păng rak rtăp hom, yorlah Brah Yêhôva ntĭnh jêh ma păng ƀư kơt nây.

II Phung Hađăch 19:37

Du nar, hađăch Sênakêrip dôl chon mon mbah brah păng tâm ngih brah Nirok, phung kon bu klâu păng jêng Y-Adramêlek jêh ri Y-Sarêser sŏk đao nkhĭt păng, jêh nây hăn du rlet n'gor Ararat. Kon păng jêng Y-Êsarhadôn chiă uănh thoi ntrok păng.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Ngluh Êjipt 20:13

May mâu dơi nkhĭt bu.

Nau Ngluh Êjipt 21:14

Tơlah du huê ndra ŭch rduh lơh jêh ri ndra ŭch tâm nkhĭt bunuyh chiau meng păng, ăn khân may têk păng luh bơh nơng ƀư brah Gâp jêh ri nkhĭt păng.

Nau Hôr 20:20

Ŭnh kađen phung rak rtăp mê̆ mbơ̆ păng, Mra nhhât ta klong măng ngo klĕng.

Nau Hôr 28:17

Phung khan rnon mham ma du huê bunuyh Mra nchuăt du ăn tât khĭt, Lơi ăn bu kơl păng!

Nau Hôr 28:24

Mbu nơm ntŭng ndơ mbơ̆ mâu lah mê̆ păng nơm, Jêh ri ngơi pô aơ: “Mâu di jêng tih ôh,” Nơm nây jêng băl đah nơm ƀư rai.

Nau Hôr 30:11

Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Yêrêmi 23:11

Brah Yêhôva lah: “Nơm mbơh lor nđâp kôranh ƀư brah mra rai da dê, Gâp saơ nau mhĭk khân păng tâm nklang ngih Gâp.

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Kan Lêvi 20:9

‘Mbu nơm rak rtăp ma mê̆ mbơ̆ păng bu mra nkhĭt lơi păng. Păng hŏ rak rtăp jêh ma mê̆ mbơ̆ păng, mham păng mra nkhŭt tay ta klơ păng nơm.’

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Samƀŭt Pôl Njuăl Ăn Ma Phung Nsing Ta Ƀon Rôm 1:30

ngơi kek, ngơi nchơt, tâm rmot ma Brah Ndu, nau ƀai, ngơi sưr, ngơi blă blơ, vay ƀư nau mhĭk, mâu iăt nau mê̆ mbơ̆;

Samƀŭt Pôl Njuăl Ăn Ma Phung Nsing Ta Ƀon Rôm 4:13

Nau ton ma Y-Abraham jêh ri phung kon sau păng dơi dơn neh ntu jêng drăp ndơn, mâu di tât tă bơh nau vay ƀiălah tât tă bơh nau sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Galati 3:19

Pôri, mâm ƀư geh nau vay? Bu ntop jêh nau vay yor lĕ nau ƀư tih, jêh ri hôm e tât ma nar bunuyh noi deh tât, nâm bu ntĭt Nơm geh nau ton bơh lor. Nau vay nây mbơh ma bu bơh phung tông mpăr jêh ri bơh bâr mbung du huê nơm tâm nklang.

Galati 5:18

Ƀiălah tơlah Brah Huêng Ueh njŭn leo khân may, khân may mâu gŭ tâm dâng nau vay ôh.

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

Galati 5:23

Mâu mâp geh nau vay dơi buay lĕ nau nây.

Nau Vay Nkah Tay 27:16

‘Di ma rak rtăp ma nơm ƀư bêk mê̆ mbơ̆ păng nơm!’ Ăn lĕ rngôch phung ƀon lan mra plơ̆ lah: ‘Amen!’

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

I Timôthê 4:7

Der ngai hom lĕ nau nkoch bri tă bơh kăl e roh nau khư, nau nkoch bri mâu geh ngăn tă bơh bu ur ranh, ƀiălah nsrôih nti hom ma săk may nơm ma nuih n'hâm klach yơk;

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;

II Timôthê 2:16

Der hom lĕ nau ngơi lă lêng mâu geh nau khlay; yorlah mbu nơm ngơi tâm ban pônây mra lơ hô hăn jru lơn tâm trong mâu blau yơk,

II Timôthê 3:2

Yorlah bunuyh mra jêng mbeh nkrêp, rŏng ma prăk, blau khư êng, sưr rlau, ngơi djơh, mâu tông bâr mê̆ mbơ̆, mâu kah gĭt tôr, mâu kloh ueh,

Titus 1:10

Geh âk phung bunuyh mâu di keh, lor lơn jêng phung bunuyh ŭch nau koh ntâu, phung vay ngơi âk nau mâu khlay jêh ri phung ndơm; ăn may ƀư ma khân păng gŭ rklăk.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

Titus 1:6

Kôranh bu ranh jêng mâu geh ôh nau nduyh; nguay ur nguay sai; phung kon khân păng chroh ma Kôranh Brah, mâu geh ôh nau bu phong ma nau ƀư blă blơ mâu lah mâu di đah nau vay.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

ហេឞ្រើ 11:31

Yor ma nau chroh, bu ur văng tĭr H'Rahap mâu khĭt ôh ndrel phung mâu chroh, yorlah păng vơt rom jêh phung uănh n'hut ma nau đăp mpăn.

ហេឞ្រើ 12:16

Uănh njrăng hom, lơi geh du huê jêng văng tĭr, mâu lah roh nau khư nâm bu Y-Êsau, yor ma du ntil ndơ sông sa, nơm tăch nau dơi kon bôk rah.

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

I Pêtrôs 3:20

jêng phung kăl e mâu tông ôh Brah Ndu, nôk Păng srôih gŭ kâp tâm rnôk Y-Nôê, tâm lĕ mông nar ƀư kumpăn. Tâm kumpăn geh knŏng djê̆ bunuyh, lĕ rngôch jêng pham bunuyh, dơi klaih bơh dak.

I Pêtrôs 4:18

Jêh ri: “Tơlah bunuyh sŏng srăng hôm jêr gay geh nau tâm rklaih, Mâm mra jêng ma phung mâu klach yơk jêr ri phung geh nau tih?”

Yuđas 1:15

gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.