I Timôthê 1:5 - Nau Brah Ndu Ngơi 2023

⁵ Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

Bunong Bible Latin Script Cambodian dialect

⁵ Nau nti ta phung nsing ma Brah Yêsu Krist ŭch ăn phung nsing geh nau rŏng ma bu, nau rŏng i lôh bơh nuih n'hâm kloh, lôh bơh nuih n'hâm sŏng, ndrel ma lôh bơh nau nsing răp jăp ngăn.

Bunong

⁵ នាវ​នតី​តា​ផូង​ញឆីង​មា​ឞ្រាស​យេឆូ​ក្រីស  ​អុច​អ៝ន់​ផូង​ញឆីង​គែស​នាវ​រ៝ង់​មា​ឞូ នាវ​រ៝ង់​អី​លោស​ឞើស​នូយ្ស​នហ៝ម់​ក្ល៝ស លោស​ឞើស​នូយ្ស​នហ៝ម់​ឆ៝ង់ នទ្រែល​មា​លោស​ឞើស​នាវ​ញឆីង​រាប់​ជាប់​ងាន់។

I Timôthê 1:5 Iomraidhean Croise

Nau Mprơ Ơm 24:4

Nây jêng bunuyh geh ti kloh ueh jêh ri nuih n'hâm kloh, Mâu jao huêng păng ma rup brah dơm dam, Mâu lĕ ton săk ma nau mƀruh.

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Mathay 5:8

Ueh maak ngăn ma phung geh nuih n'hâm kloh ueh, Yorlah mra saơ Brah Ndu!

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

Kôranh Oh Mon 23:1

Y-Pôl uănh thâng ma Mpôl Kôranh Phat Dôih jêh ri lah: “Hơi phung oh nâu, tanăp Brah Ndu, gâp gŭ rêh jêh ma nuih n'hâm sŏng tât ta nar aơ.”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 10:4

yorlah Brah Krist jêng nglĕ ma nau vay, gay lĕ rngôch bunuyh chroh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 14:15

Tơlah yorlah ndơ may sông sa ƀư rngot rvê ma phung oh nâu may, may mâu gŭ ngao di tĭng nâm nau rŏng ôh. Lơi yor ndơ may sông sa ƀư roh du huê ôh Brah Krist khĭt jêh yor păng.

Samƀŭt Pôl Njuăl Ăn Ma Phung Nsing Ta Ƀon Rôm 9:1

Gâp lah nau nanê̆ tâm Brah Krist, gâp mâu mƀruh ôh, nuih n'hâm sŏng gâp mbơh nau nây ma gâp tâm Brah Huêng Ueh

I Kôrintô 13:1

Nđâp tơlah gâp ngơi lĕ nau ngơi kon bunuyh jêh ri tông mpăr, ƀiălah mâu geh nau rŏng, gâp knŏng tâm ban ma chĭng bu goh mâu lah rgu dăng nteh huy.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 1:19

djôt nâp nau chroh jêh ri nuih n'hâm kloh ueh. Geh ƀaƀă dun chalơi jêh nuih n'hâm sŏng nây jêh ri ƀư rai nau chroh,

I Timôthê 3:9

ƀiălah djôt prăp nau khlay ndâp bơh nau chroh tâm nuih n'hâm sŏng kloh ueh.

II Timôthê 1:3

Gâp lah ueh ma Brah Ndu, jêng Nơm gâp pah kan ma nuih n'hâm kloh tâm ban phung chô yau gâp hŏ ƀư jêh, lĕ măng nâm nar, gâp kah gĭt ma may ƀaƀơ dôl gâp mbơh sơm.

II Timôthê 1:5

Gâp ăt kah gĭt đŏng ma nau chroh may răp jăp ngăn, jêng nau chroh geh lor tâm H'Lôis, u may, jêh ri tâm H'Ơnis, mê̆ may; gâp gĭt ngăn jêh ma nau chroh nây nar aơ gŭ tâm may.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

Titus 1:15

Ma phung kloh, lĕ ntil ndơ jêng kloh da dê; ƀiălah ma phung bunuyh ƀư blă blơ jêh ri mâu chroh mâu geh ôh du ntil ndơ kloh. Ƀiălah, lĕ nau mĭn jêh ri nuih n'hâm sŏng khân păng nơm geh nau djơh mhĭk jêh.

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

I Pêtrôs 4:8

Lor lơn, tâm rŏng hom ndrăng khân may dŭt hâu ngăn; yorlah nau rŏng nkŭm brôi âk râk nau tih.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 3:10

Nau aơ ăn gĭt mbu nơm jêng phung kon Brah Ndu, jêh ri mbu nơm jêng phung kon brah mhĭk: Mbu nơm mâu ƀư nau sŏng srăng mâu jêng bunuyh Brah Ndu ôh, mbu nơm mâu rŏng ma oh nâu păng nơm tâm ban lĕ.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.