I Timôthê 1:10 - Nau Brah Ndu Ngơi 2023

¹⁰ ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

Bunong Bible Latin Script Cambodian dialect

¹⁰ Păng ăn nau vay i nây gay ma tê̆ dôih ma phung khơh kler, phung bu klô gŭ tâm dŏng ndrăng phung bu klô, phung tăch rgâl bunuyh, phung mƀrôh, phung ngơi nchơt, ndrel ma dâng lĕ phung êng jât i tâm rdâng đah nau ntŭm nti di.

Bunong

¹⁰ ពាង់​អ៝ន់​នាវ​វៃ​អី​នៃ​គៃ​មា​តេៈ​ទោយ្ស​មា​ផូង​ខើស​ក្លែរ ផូង​ឞូ​ក្លោ​គុ​តឹម​ទ៝ង់​នទ្រាង់​ផូង​ឞូ​ក្លោ ផូង​តាច់​រាគ៝ល់​ឞូនុយ្ស ផូង​មរោស ផូង​ងើយ​ញចើត នទ្រែល​មា​ទឹង​លែៈ​ផូង​អេង​ជឹត​អី​តឹម​រាទ៝ង់​ដាស​នាវ​នតុម​នតី​ទី។

I Timôthê 1:10 Iomraidhean Croise

Nau Ntơm 19:5

Khân păng kuăl Y-Lot jêh ri ôp: “Hŏ phung bu năch lăp tâm ngih may măng aơ? Leo hom khân păng tât ta aơ gay hên sông sa bê̆ch ndrel ma khân păng.”

Nau Ntơm 37:27

Găp hôm, he tăch păng ma phung Ismaêl jêh ri lơi ƀư ôh nau mhĭk ma păng, yorlah păng jêng oh he, jêng noi deh du mham đah he.” Phung oh nâu păng dơn da dê.

Nau Ntơm 40:15

Yorlah di ngăn, bu nhŭp ntŭng jêh ri leo gâp luh bơh n'gor phung Hêbrơ, jêh ri ta aơ gâp mâu ƀư tih du ntil ndơ ôh nkhơng ma bu krŭng gâp tâm ndrung ngo aơ.”

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 21:16

Mbu nơm nhŭp ntŭng bunuyh, mâu lah hŏ tăch jêh, mâu lah dôl hôm e mât tâm ti păng, bu mra nkhĭt lơi păng.

Ndrom Samƀŭt bơh Ôsê 10:4

Khân păng ngơi lĕ nau hŏng dơm Jêh ri ton mƀruh tơlah ƀư nau tâm rnglăp; Yor ri lĕ nau tâm rlăch mra bĭk rơ̆ nâm bu gơ̆ mhĭk geh kăch Tâm lĕ mbor kai tâm lŏ.

Kan Lêvi 18:22

Lơi bê̆ch ndrel đah du huê bu klâu tâm ban ma du huê bu ur; nau nây jêng du nau dŭt ƀơ̆ ƀơch ngăn.

Kan Lêvi 20:13

Tơlah du huê bu klâu bê̆ch ndrel đah du huê bu klâu êng nâm bu bê̆ch ndrel đah bu ur, bu mra nkhĭt lơi lĕ bar hê khân păng, khân păng hŏ ƀư nau dŭt ƀơ̆ ƀơch; mham khân păng mra nkhŭt tay ta khân păng nơm.

Sakari 5:4

Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Samƀŭt Pôl Njuăl Ăn Ma Phung Nsing Ta Ƀon Rôm 1:26

Yor nau nây Brah Ndu jao jêh ma khân păng ma nau kơnh ŭch khư ƀơ̆ ƀơch. Nđâp ma phung bu ur tâm rgâl jêh nau vay gŭ ur sai jêng nau mâu vay.

Nau Vay Nkah Tay 24:7

Tơlah bu saơ du huê bunuyh nhŭp ntŭng du huê oh nâu păng tâm phung ƀon lan Israel, jêh ri djôt sĭt ƀư dĭk mâu lah tăch lơi, pôri bunuyh nhŭp ntŭng nây mra khĭt. Pônây khân may mra ƀư rai lơi nau djơh mhĭk bơh khân may.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

I Timôthê 6:3

Tơlah geh du huê ntĭm ma nau nti ƀaƀă, mâu tâm di đah nau ngăn jêh ri nau nti klach yơk ma Kôranh Brah he jêng Brah Yêsu Krist

II Timôthê 1:13

Ma nau chroh jêh ri nau rŏng tâm Brah Yêsu Krist, djôt prăp hom lĕ nau ntĭm nti sŏng may nti jêh tă bơh gâp gay ma ƀư nau bu kơt.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

Titus 1:13

Nau mbơh aơ jêng ngăn. Yor ri, ăn may ƀư ngăn nau nduyh nkra khân păng, gay ma khân păng geh nau ktang tâm nau chroh,

Titus 1:9

djôt nâp nau khư rnơm nsing hŏ geh ntĭm nti jêh, gay dơi dŏng nau nti sŏng jêh ri ntĭm nti tâm ban đŏng mâu sŏk dơn ma phung tâm rdâng.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 18:13

ma sinamôn, ndơ ƀâu kah, dak ƀâu kah, dak si tăng jêh ri ntăk si ƀâu kah; ndrănh jêh ri dak ngi ôlive, rnih môi jêh ri ba ƀlê; mpô mpa rong jêh ri biăp, seh jêh ri ndeh seh; dĭk bu jêh ri huêng kon bunuyh.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.