I Samuel 9:9 - Nau Brah Ndu Ngơi 2023

⁹ (Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)

I Samuel 9:9 Iomraidhean Croise

Nau Ntơm 25:22

Ƀiălah phung kon mpât tâm ndŭl păng rĭ dĭng păng lah: “Mâm ƀư nau aơ tât ma gâp?” Jêh nây păng ôp Brah Yêhôva.

II Samuel 24:11

Ang ôi taơ, tơlah Y-Đavit kah rngăl, geh nau Brah Yêhôva ngơi ma nơm mbơh lor Y-Gat, jêng bunuyh geh nau tâm saơ an ma Y-Đavit, pô aơ:

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

I Nau Rêh Jêng 21:9

Brah Yêhôva ngơi ma Y-Gat jêng nơm geh nau tâm saơ ma Y-Đavit pô aơ:

I Nau Rêh Jêng 26:28

Lĕ rngôch ndơ nơm geh nau tâm saơ Y-Samuel, Y-Sôl (kon Y-Kis), Y-Apner (kon Y-Ner), jêh ri Y-Jôap (kon H'Sêruya), hŏ prăp êng ma nau kloh ueh, ndrel ma lĕ rngôch ndơ kloh ueh êng gŭ tâm dâng nau mât uănh Y-Sêlômôt jêh ri phung oh nâu păng da dê.

I Nau Rêh Jêng 29:29

Lĕ kan hađăch Đavit bơh ntơm tât lôch bu nchih jêh tâm ndrom samƀŭt nơm geh nau tâm saơ Y-Samuel, jêh ri tâm ndrom samƀŭt nơm mbơh lor Y-Nathan, jêh ri tâm ndrom samƀŭt nơm geh nau tâm saơ Y-Gat.

I Nau Rêh Jêng 9:22

Lĕ rngôch phung nây bu săch jêh jêng phung mât njrăng ntŭk lăp mpông pêr geh bar rhiăng jât ma bar nuyh. Bu nchih jêh amoh tâm ndrom samƀŭt ƀoi yau tĭng nâm ndŭl mpôl tâm ƀon khân păng. Y-Đavit jêh ri nơm geh nau tâm saơ Y-Samuel rnơm jao ma khân păng nau kan nây.

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 16:7

Nôk nây lĕ, nơm geh nau tâm saơ Y-Hanani hăn tâm mâp đah Y-Asa, hađăch Yuđa, jêh ri lah: “Yorlah may rnơm nsing ma hađăch Aram ƀiălah mâu rnơm nsing ôh ma Yêhôva Brah Ndu may, rĭ dĭng phung tahan Aram lĕ klaih jêh bơh may.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Amôt 7:12

Y-Amasia lah ma Y-Amôt: “bunuyh geh nau tâm saơ, du hom tă bơh aơ. Du krap hom ma n'gor Yuđa; sĭt ta nây gay joi sa, sĭt ta nây ngơi nau mbơh lor.

I Kôrintô 12:17

Lah lĕ săk jăn jêng măt da dê, mâm dơi tăng? Lah lĕ săk jăn jêng tôr da dê, mâm ƀư dơi n'hơp?

Phung Kôranh Phat Dôih 1:1

Jêh Y-Yôsuê khĭt, phung ƀon lan Israel ôp Brah Yêhôva pô aơ: “Mbu tâm phung hên mra hăn hao lor gay tâm lơh đah phung Kanaan?”

Phung Kôranh Phat Dôih 18:5

Khân păng lah tay: “Pôri, ôp hom nau mĭn Brah Ndu gay gĭt nau hên nsong mra geh nau ueh mâu lah mâu.”

I Samuel 9:10

Y-Sôl lah ma oh mon păng: “Di jêh, he hăn hom!” Jêh nây khân păng hăn tât ma ƀon geh bunuyh Brah Ndu dôl gŭ.