I Samuel 9:6 - Nau Brah Ndu Ngơi 2023

⁶ Oh mon lah ma păng: “Aơ! geh du huê bunuyh Brah Ndu tâm ƀon aơ, jêng du huê bu yơk; Lĕ nau păng lah lor tât da dê mâu tih ôh. Pônây, he hăn hom ta nây, klăp lah păng mra ntĭm an trong ma he.”

I Samuel 9:6 Iomraidhean Croise

Nau Ntơm 24:42

Nar aơ, lah tât jêh ntu dak, gâp geh mbơh sơm pô aơ: ‘Ơ Brah Yêhôva, Brah Ndu Y-Abraham, kôranh gâp! Dăn May kơl nau gâp hăn aơ dơi jêng.

II Samuel 15:27

Hađăch lah tâm ban lĕ lah ma kôranh ƀư brah Y-Sadôk: “Pônây, plơ̆ sĭt hom ma ƀon ma nau đăp mpăn, ndrel ma bar hê kon bu klâu khân may: Y-Ahimas, kon may, jêh ri Y-Jônathan, kon Y-Abiathar.

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

II Phung Hađăch 5:8

Tơlah Y-Êlisê, bunuyh Brah Ndu, tăng lư ma hađăch Israel hŏ nkhêk jêh ao păng, păng prơh bunuyh hăn lah ma hađăch: “Mâm ƀư may nkhêk ao may? Lah hom Y-Naaman văch ma gâp, gay ma păng mra gĭt tâm n'gor Israel geh du huê nơm mbơh lor.”

II Phung Hađăch 6:6

Bunuyh Brah Ndu lah: “Mbah ntŭk păng tŭp?” Păng nchŏng ntŭk sung nây tŭp. Y-Êlisê koh du gâl tơm si mƀăr tŭp ntŭk nây, ƀư ma măt sung nđông klơ.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Têsalônik 5:13

Sŏk hom nau rŏng gay yơk tông ma khân păng yor nau kan khân păng ƀư. Gŭ rêh hom rnglăp ndrel ndrăng khân may nơm.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

I Samuel 2:27

Geh du huê bunuyh Brah Ndu hăn tât gay lah ma Y-Êli: “Brah Yêhôva hŏ lah jêh kơt aơ: ‘Mâu hĕ gâp hŏ tâm mpơl rah vah jêh ma phung chô yau may, dôl khân păng hôm gŭ ta Êjipt, tâm dâng ngih hađăch Pharaôn?

I Samuel 9:8

Oh mon plơ̆ lah ma Y-Sôl: “Aơ, gâp dôl djôt tâm ti klăp lah pe gram prăk. Gâp mra nhhơr prăk nây ma bunuyh Brah Ndu, gay ma păng ntĭm an trong ma he.”