I Samuel 9:15 - Nau Brah Ndu Ngơi 2023

¹⁵ Du nar êlor Y-Sôl tât, Brah Yêhôva hŏ tâm mpơl jêh ma Y-Samuel gĭt:

I Samuel 9:15 Iomraidhean Croise

II Samuel 7:27

Hơi Brah Yêhôva ma phung tahan, jêng Brah Ndu phung Israel, May nơm hŏ lah jêh nau ton aơ ma oh mon May pô aơ: ‘Gâp mra njêng du nau chiă uănh ma may.’ Yor nây, oh mon May dơi janh nhhơr nau mbơh sơm aơ ma May.

Ndrom Samƀŭt bơh Yôp 33:16

Nôk nây, Păng pơk trôm tôr kon bunuyh, Tâp pŏng lĕ Nau ntăm nti,

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Kôranh Oh Mon 13:21

Rnôk nây phung Israel dăn du huê hađăch, Brah Ndu ăn ma khân păng Y-Sôl, kon bu klâu Y-Kis, bơh ndŭl mpôl Benjamin, chiă uănh khân păng tâm puăn jât năm.

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

I Samuel 15:1

Y-Samuel lah ma Y-Sôl: “Brah Yêhôva prơh gâp hăn tŏ dak ƀâu kah ma may gay chiă uănh ma phung Israel jêng phung ƀon lan Păng. Pônây aƀaơ, gŭ iăt hom nau Brah Yêhôva lah.

I Samuel 20:2

Y-Jônathan plơ̆ lah ma păng: “Mâu di kơt ri ôh! May mâu khĭt ôh. Mbơ̆ gâp mâu ƀư ôh du ntil nau, nđâp lah toyh mâu lah jê̆, păng vay mbơh lor ma gâp. Pônây, mâm dĭng mbơ̆ gâp pôn nau nây ma gâp? Nau nây mâu di ôh!”

I Samuel 3:21

Brah Yêhôva tâm mpơl tay ta Silô; yorlah ta nây, Brah Yêhôva tâm mpơl đah Y-Samuel ma nau Păng ngơi.

I Samuel 9:14

Khân păng hăn hao ma ƀon. Lah nôk lăp ƀon, khân păng saơ Y-Samuel dôl hăn luh tât ma khân păng ta trong hăn hao ntŭk prêh klơ.

I Samuel 9:17

Tơlah Y-Samuel mhe saơ Y-Sôl, Brah Yêhôva lah ma păng: “Aơ jêng bunuyh Gâp hŏ ngơi jêh ma may! Păng yơh jêng nơm mra chiă uănh phung ƀon lan Gâp.”