I Samuel 9:13 - Nau Brah Ndu Ngơi 2023

¹³ Tơlah khân may lĕ lăp tâm ƀon, khân may mra saơ păng êlor ma păng hăn hao ntŭk prêh klơ gay ma sông sa. Phung ƀon lan mâu mra sông sa lor ôh lah mâu hŏ tât păng, yorlah păng ăn nau ueh uĭn ma mpa ƀư brah; jêh nau nây, phung bu jă mra sa. Pônây, aƀaơ hăn hao hom, yorlah nar aơ n'hêl nanê̆ khân may mra tâm mâp đah păng.”

I Samuel 9:13 Iomraidhean Croise

II Samuel 15:11

Geh bar rhiăng nuyh tă bơh Yêrusalem hăn ndrel ma Y-Apsalôm. Khân păng jêng phung bu lĕ jă jêh, khân păng hăn ma nau sŏng, mâu gĭt ma nau nây ôh.

Mathay 14:19

Jêh Păng ntĭnh ma phung ƀon lan nây gŭ ta ndrêch, Păng sŏk prăm mlâm piăng let jêh ri bar mlâm ka, n'gơr măt klơ trôk, lah ueh jêh ri nkê̆ch piăng let ăn ma phung oh mon, khân păng tâm pă ăn ma phung ƀon lan.

Mathay 26:26

Dôl gŭ sông sa, Brah Yêsu sŏk piăng let, lah ueh, nkê̆ch ăn ma phung oh mon, jêh nây lah: “Sŏk hom, sa! Aơ jêng săk jăn Gâp.”

Markôs 6:41

Brah Yêsu sŏk prăm mlâm piăng let jêh ri bar mlâm ka, n'gơr măt klơ trôk, lah ueh, jêh nây nkê̆ch piăng let jêh ri jao ăn ma phung oh mon tâm pă ma phung ƀon lan. Păng tâm pă đŏng bar mlâm ka ma lĕ rngôch bunuyh.

Luka 24:30

Dôl Brah Yêsu gŭ sông sa ndrel ma khân păng, Păng sŏk piăng let, lah ueh jêh ri nkê̆ch pă ăn ma phung nây.

Luka 9:16

Brah Yêsu sŏk prăm mlâm piăng let jêh ri bar mlâm ka, n'gơr măt klơ trôk, nau lah ueh jêh ri nkê̆ch piăng let, jao ăn ma phung oh mon tâm pă ma phung ƀon lan.

Yôhan 6:11

Brah Yêsu sŏk piăng let, nhhơr nau lah ueh, jêh tâm pă ma phung gŭ ta nây, Păng sŏk ka tâm pă kơt nây, tĭng nâm khân păng ŭch sa.

Yôhan 6:23

Ƀiălah geh lĕ plŭng ƀaƀă tă bơh ƀon Tibêrias tât nsrŭng dăch ntŭk khân păng sa piăng let jêh Brah Yêsu lah ueh.

I Kôrintô 10:30

Tơlah gâp hŏ lah ueh jêh nây sa, mâm ƀư gâp bu nduyh gâp ma nau sông sa gâp hŏ lah ueh?

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 9:14

Khân păng hăn hao ma ƀon. Lah nôk lăp ƀon, khân păng saơ Y-Samuel dôl hăn luh tât ma khân păng ta trong hăn hao ntŭk prêh klơ.