I Samuel 8:9 - Nau Brah Ndu Ngơi 2023

⁹ Pôri aƀaơ, iăt hom nau khân păng. Ƀiălah, ăn may mbơh rah vah ma khân păng gĭt, ăn khân păng gĭt rbăng nau hađăch mra chiă uănh khân păng.”

I Samuel 8:9 Iomraidhean Croise

Yêrêmi 11:7

Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 46:18

Hađăch mâu sŏk ôh du ntil ndơ jêng drăp ndơ phung ƀon lan jêh ri mprơh khân păng tă bơh drăp ndơn khân păng. Hađăch mra sŏk ndơ êng păng nơm ăn phung kon bu klâu păng ƀư drăp ndơ gay ma mâu geh du huê tâm phung ƀon lan Gâp mâu geh ôh roh drăp ndơ khân păng.”

I Samuel 10:25

Y-Samuel rblang ma phung ƀon lan gĭt nau vay jêh ri kan hađăch. Păng nchih lĕ nau nây tâm du ndrom samƀŭt jêh ri dơm panăp Brah Yêhôva. Jêh nây Y-Samuel ăn lĕ rngôch phung ƀon lan ăp nơm hăn sĭt ma ngih vâl păng nơm.

I Samuel 12:1

Nôk nây, Y-Samuel lah ma lĕ rngôch phung Israel: “Aơ, gâp tăng jêh lĕ nau ngơi khân may lah jêh ma gâp, jêh ri gâp hŏ njêng jêh du huê hađăch ma khân may.

I Samuel 14:52

Tâm lĕ nau rêh Y-Sôl geh ƀaƀơ nau tâm lơh ktang ngăn đah phung Philistin. Tơlah Y-Sôl saơ du huê bu klâu ktang jêh ri janh, păng sŏk dŏng păng ăn ma păng nơm.

I Samuel 2:13

Nđâp lah khân păng jêng phung kôranh ƀư brah, khân păng vay ƀư đah phung ƀon lan pô aơ: Ăp tơ̆ geh bu nhhơr mpa ƀư brah, oh mon phung kôranh ƀư brah văch tâm nôk bu dôl gâm puăch, păng djôt ta ti du mlâm n'hoi nchraih pe,

I Samuel 8:8

Tâm ban nau khân păng ƀư đah Gâp ntơm bơh Gâp ngluh khân păng du luh bơh n'gor bri Êjipt n'ho tât nar aơ: Khân păng hŏ dun chalơi jêh Gâp gay pah kan ma lĕ brah êng, nar aơ khân păng ƀư đŏng ma may kơt nĕ!