I Samuel 7:9 - Nau Brah Ndu Ngơi 2023

⁹ Y-Samuel nhŭp du mlâm biăp kon hôm pu toh, ƀư ndơ ƀư brah gŭch nhhơr ma Brah Yêhôva. Jêh nau nây Y-Samuel kuăl mbơh sơm ma Brah Yêhôva yor phung Israel, jêh ri Brah Yêhôva plơ̆ lah ma păng.

I Samuel 7:9 Iomraidhean Croise

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Kan Lêvi 22:27

“Du mlâm ndrôk kon, biăp kon mâu lah be kon mhe deh, ăn păng gŭ ndrel ma me păng tâm pơh nar. Bơh nar tal pham rlet panăp klăp lah păng mra dơi dơn jêng ndơ ƀư brah ăn ŭnh sa nhhơr ma Yêhôva.

Nau Vay Nkah Tay 9:26

Gâp hŏ mbơh sơm ma Brah Yêhôva: ‘Hơi Kôranh Brah, Brah Yêhôva, dăn Kôranh Brah lơi ƀư rai ôh phung ƀon lan May, jêng drăp ndơn May, jêng phung ƀon lan May hŏ tâm chuai jêh ma nau rnam dŭt prêh May, jêh ri hŏ njŭn leo khân păng luh bơh n'gor Êjipt ma ti nau rnam May.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

Phung Kôranh Phat Dôih 6:26

Jêh nây, ndâk hom du nơng ƀư brah ma Yêhôva Brah Ndu may ta klơ n'gơn yôk aơ. Jêh nau nây, sŏk tơm si bơh rup brah Asêrah jêng ndơ may hŏ kăl lơi gay nhhơr ndrôk nkuăng rơh bar nây ƀư ndơ ƀư brah gŭch.”

Phung Kôranh Phat Dôih 6:28

Ơm ôi taơ, nôk phung ƀon lan tâm ƀon nây kah rngăl, khân păng saơ nơng brah Baal rlâm chah jêh, êp meng rup brah Asêrah bu kăl lơi jêh, jêh ri ndrôk nkuăng rơh bar hŏ nhhơr jêng ndơ ƀư brah gŭch ta klơ nơng ƀư brah bu mhe ndâk nây.

I Samuel 10:8

May mra jŭr lor ma gâp ta ƀon Gilgal jêh ri aơ, gâp mra văch ma may gay nhhơr ndơ ƀư brah gŭch jêh ri ndơ ƀư brah ma nau đăp mpăn. Gŭ kâp hom pơh nar, tât nôk gâp hăn văch ma may jêh ri ăn ma may gĭt lĕ nau may mra ƀư.”

I Samuel 12:17

Nar aơ, mâu hĕ di jêng yan rek ba ƀlê? Gâp mra kuăl mbơh sơm ma Brah Yêhôva, jêh ri Păng mra ƀư lơp nglaih jêh ri mih. Ăn khân may gĭt jêh ri saơ ma nau dăn du huê hađăch jêng du nau tih toyh khân may hŏ ƀư tih tanăp măt Brah Yêhôva.”

I Samuel 16:2

Y-Samuel lah: “Mâm gâp dơi hăn? Tơlah Y-Sôl tăng nau nây păng mra nkhĭt gâp!” Brah Yêhôva lah: “Têk leo ndrel ma may du mlâm ndrôk me druh, jêh ri lah: ‘Gâp văch gay nhhơr mpa ƀư brah ma Brah Yêhôva.’

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 7:17

Jêh nây păng plơ̆ sĭt ma Rama, yorlah ngih păng ta nây. Ta Rama, păng phat dôih đŏng phung Israel, jêh ri ta nây păng ndâk du nơng ƀư brah ma Brah Yêhôva.

I Samuel 9:12

Khân păng plơ̆ sĭt lah: “Păng ta aơ đŏng, ri păng panăp khân may! Hăn gơnh hom, păng mhe tât ta ƀon nar aơ yorlah nar aơ phung ƀon lan mra ƀư brah ta ntŭk prêh.