I Samuel 7:6 - Nau Brah Ndu Ngơi 2023

⁶ Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.

I Samuel 7:6 Iomraidhean Croise

Nau Ntơm 31:49

Mbŭch lŭ aơ dơi rnha đŏng Mispa, yorlah Y-Laban lah: “Dăn Brah Yêhôva kâp njrăng gâp jêh ri may dôl he gŭ êng êng.

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

I Nau Rêh Jêng 11:18

Pe nuyh nây lăp rgăn pôih tahan phung Philistin, bâk dak tâm ntu dak êp kêng mpông ƀon Ƀêtlêhem djôt leo ma Y-Đavit. Ƀiălah Y-Đavit mâu ŭch nhêt ôh; ƀiălah păng nkhŭt dak nây tanăp măt Brah Yêhôva,

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Ndrom Samƀŭt bơh Yôp 16:20

Phung mĭt jiăng gâp mưch rmot gâp, Ƀiălah gâp nhĭm luh dak măt đah Brah Ndu,

Ndrom Samƀŭt bơh Yôp 3:24

Yor ƀănh gâp sa knŏng jêng nteh bâr nsôr jong; Nau gâp lŭng nter bêng ler nâm bu dak.

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Ndrom Samƀŭt bơh Yôp 40:4

May geh lĕ nting tur dăng nâm bu Brah Ndu? Dơi lĕ may ƀư nteh nglaih nâm bu bâr Păng?

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 42:3

Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 6:6

Gâp lĕ huăr yor lŭng nter, Ăp măng tâm sưng bê̆ch gâp mbĕ ma dak măt, Sưng gâp bê̆ch mbĕ dak măt nhĭm.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Yêrêmi 36:9

Tâm khay sĭn, năm rơh prăm rô̆ Y-Jêhôjakim, kon bu klâu Y-Jôsia, hađăch Yuđa, lĕ rngôch phung ƀon lan tâm ƀon Yêrusalem jêh ri lĕ rngôch phung ƀon lan văch tă bơh lĕ ƀon tâm n'gor Yuđa hăn tât ma ƀon Yêrusalem, mbơh tâm năng ver ât sông sa tanăp Brah Yêhôva.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Nau Nhĭm Vơl 2:11

Măt gâp lĕ huănh hươi jêh yor hoch âk dak măt, Proch khŭng uh ah ngăn; Nuih n'hâm gâp lĕ nkhŭt tâm neh Yorlah kon bu ur ƀon lan gâp bu ƀư rai jêh; Yorlah phung kon se jê̆ jêh ri oh bê Cha lôt prah tâm lĕ trong sâng.

Nau Nhĭm Vơl 3:49

Dak măt gâp hor hoch mro mrăng Mâu rlu ôh.

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Êsêkiêl 20:4

Hơi kon bunuyh, may ŭch phat dôih khân păng, may ŭch phat dôih khân păng lĕ? May lah hom ăn khân păng gĭt nau ƀơ̆ phung chô yau khân păng.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Luka 15:18

Gâp mra hăn plơ̆ sĭt ta mbơ̆ gâp jêh ri lah ma păng: Hơi mbơ̆, gâp ƀư tih jêh đah trôk jêh ri đah may,

Yôsuê 18:26

Mispê, Chêphira, Môsa,

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”

Phung Kôranh Phat Dôih 10:15

Phung ƀon lan Israel lah ma Brah Yêhôva: “Hên ƀư tih jêh! Dăn Kôranh Brah ƀư hom ma hên tĭng nâm nau Kôranh Brah mĭn ueh, ƀiălah aƀaơ dăn Kôranh Brah sâm rklaih hên!”

Phung Kôranh Phat Dôih 2:4

Nôk tông mpăr Brah Yêhôva lah lĕ jêh nau nây ma lĕ rngôch phung Israel, phung ƀon lan Israel nhĭm nhhiăng hâu ngăn.

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

Phung Kôranh Phat Dôih 3:10

Huêng Brah Yêhôva jŭr ta păng jêh ri păng chiă uănh phung ƀon lan Israel. Păng hăn tâm lơh jêh ri Brah Yêhôva jao Y-Kusan-Risathaim, hađăch Aram, tâm ti păng. Păng lơh dơi đah Y-Kusan-Risathaim.

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.

I Samuel 10:17

Y-Samuel kuăl rgum phung ƀon lan tanăp Brah Yêhôva ta Mispa,

I Samuel 12:10

Rnôk nây, khân păng vơl dăn ma Brah Yêhôva, jêh ri lah: ‘Hên ƀư tih jêh, yorlah hên lĕ chalơi jêh Brah Yêhôva gay pah kan ma phung brah Baal jêh ri ma brah Astarôt. Ƀiălah aƀaơ, tâm rklaih hom hên tă bơh ti phung rlăng hên, hên mra pah kan ma May.’

I Samuel 7:15

Y-Samuel ƀư kôranh phat dôih phung Israel lôch nau rêh păng nơm.