I Samuel 7:3 - Nau Brah Ndu Ngơi 2023

³ Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”

I Samuel 7:3 Iomraidhean Croise

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

II Phung Hađăch 17:39

Ƀiălah ăn khân may klach yơk ma Yêhôva Brah Ndu khân may, Păng nơm mra tâm rklaih khân may bơh ti lĕ rngôch phung rlăng khân may.”

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

I Nau Rêh Jêng 22:19

Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 20:33

Ƀiălah păng mâu ƀư rai ôh lĕ ntŭk prêh klơ, jêh ri phung ƀon lan ê hŏ prăp ôh nuih n'hâm khân păng ma Brah Ndu phung chô yau păng nơm.

II Nau Rêh Jêng 30:19

“Dăn ma Brah Yêhôva jêng Nơm ueh, yô̆ an nau tih ma lĕ rngôch bunuyh hŏ lĕ nuih n'hâm tĭng joi Yêhôva Brah Ndu phung chô yau khân păng, nđâp lah mâu hŏ di ôh nau vay ƀư kloh tâm ngih brah kloh ueh gay ƀư kloh khân păng nơm.”

Nau Hôr 16:1

Lĕ rngôch nau nchră tâm nuih n'hâm jêng nau kan kon bunuyh, Ƀiălah nau plơ̆ lah văch bơh Brah Yêhôva.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 36:3

Klăp lah phung Yuđa mra gĭt lĕ rngôch nau mhĭk Gâp mĭn jêh ŭch ƀư ma khân păng, khân păng plơ̆ sĭt tay, ăp nơm chalơi trong mhĭk păng, jêh ri Gâp yô̆ an nau djơh mhĭk jêh ri nau tih khân păng.”

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Luka 4:8

Brah Yêsu plơ̆ lah: “Geh nau nchih: ‘Ăn may yơk mbah ma Kôranh Brah, jêng Brah Ndu may, jêh ri knŏng pah kan knŏng du huê Păng dơm yơh!’ ”

Yôhan 4:24

Brah Ndu jêng brah, mbu nơm ŭch yơk mbah ngăn ma Păng, ăn păng yơk mbah ma huêng jêh ri ma nau ngăn.”

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 13:4

Ăn khân may hăn tĭng ndô̆ Yêhôva Brah Ndu khân may, klach yơk ma Păng, djôt prăp lĕ nau vay Păng ntăm, tông bâr tĭng nau Păng ngơi, pah kan ma Păng jêh ri gŭ tâm rnglăp đah Păng.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Yôsuê 13:31

Du n'gul bri Gilêat, Astarôt, jêh ri ƀon Êdrei, jêng lĕ ƀon tâm ƀon bri hađăch Ôk tâm bri Basan, lĕ ƀon aơ tâm pă ma du n'gul phung kon sau Y-Makir, săn Y-Manasê tĭng nâm ăp rnăk vâl khân păng.

Yôsuê 24:14

Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.

Yôsuê 24:23

Y-Yôsuê lah: “Aƀaơ, mƀăr lơi hom phung brah bu năch luh bơh khân may jêh ri rle nuih n'hâm khân may mpeh Brah Yêhôva, Brah Ndu Phung Israel.”

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.

Phung Kôranh Phat Dôih 2:11

Nôk nây, phung ƀon lan Israel ƀư nau mhĭk tanăp măt Brah Yêhôva, pah kan ma phung rup brah Baal,

Phung Kôranh Phat Dôih 2:13

Khân păng chalơi jêh Brah Yêhôva gay pah kan ma brah Baal jêh ri ma brah Astarôt.

I Samuel 31:10

Khân păng dơm ndơ tâm lơh Y-Sôl tâm ngih brah Astarôt, jêh ri khân păng yông săk jăn khĭt Y-Sôl ndop ta mpêr ƀon Bet-San.