I Samuel 7:17 - Nau Brah Ndu Ngơi 2023

¹⁷ Jêh nây păng plơ̆ sĭt ma Rama, yorlah ngih păng ta nây. Ta Rama, păng phat dôih đŏng phung Israel, jêh ri ta nây păng ndâk du nơng ƀư brah ma Brah Yêhôva.

I Samuel 7:17 Iomraidhean Croise

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

Êsai 10:29

Hăn rgăn yôk, khân păng lah: “He mra ndâk vâl bok bê̆ch măng ta Gêba.” Rama râm nsâr, Gibêa ƀon Y-Sôl nchuăt du!

Phung Kôranh Phat Dôih 4:5

Păng gŭ tâm dâng tơm đung Dêbôra, tâm n'gor klơ dor yôk Êphraim, ta vah vang Rama jêh ri Bêthel, jêh ri phung ƀon lan Israel văch tât ma păng gay ŭch iăt nau păng phat dôih.

Phung Kôranh Phat Dôih 6:24

Y-Gidêôn ndâk ta nây du nơng ƀư brah ma Brah Yêhôva jêh ri ntơ amoh jêng Brah Yêhôva Salôm. Nơng ƀư brah nây hôm e ta Ôphra, jêng ndơ phung Abiêser, kŏ tât ta nar aơ.

I Samuel 1:1

Geh du huê bunuyh ƀon tơm ta Ramathaim Sôphim, tâm bri klơ dor Êphraim, amoh Y-Êlkana, kon bu klâu Y-Jêrôham, sau Y-Êlihu, se Y-Tôhu, săn Y-Sup, mpôl Êphraim.

I Samuel 1:19

Nar ôi taơ, ur sai Y-Êlkana kah rngăl ơm ôi, yơk mbah Brah Yêhôva, jêh nây plơ̆ sĭt ma ngih vâl khân păng ta Rama. Y-Êlkana gŭ ndrel H'Anna, jêng ur păng. Brah Yêhôva kah gĭt ma păng.

I Samuel 11:15

Lĕ rngôch phung ƀon lan hăn ndrel tât Gilgal. Ta nây, khân păng njêng Y-Sôl jêng hađăch tanăp Brah Yêhôva. Khân păng nhhơr ndơ ƀư brah ma nau đăp mpăn ma Brah Yêhôva. Y-Sôl jêh ri lĕ rngôch phung Israel răm maak hâu ngăn.

I Samuel 14:35

Y-Sôl ndâk du mlâm nơng ƀư brah ma Brah Yêhôva. Nây jêng nơng ƀư brah tal nguay păng hŏ ndâk jêh ma Brah Yêhôva.

I Samuel 15:34

Y-Samuel hăn sĭt ma Rama, bi Y-Sôl plơ̆ sĭt ma ngih păng nơm ta Gibêa.

I Samuel 2:11

Y-Êlkana plơ̆ sĭt ma ngih vâl păng ta Rama, bi kon se ndăm nây gŭ pah kan ma Brah Yêhôva, kôranh ƀư brah Y-Êli jêng nơm ntĭm ma păng.

I Samuel 28:3

Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.

I Samuel 8:4

Lĕ rngôch phung bu ranh Israel rgum ndrel jêh ri văch ma Y-Samuel ta Rama.

I Samuel 9:12

Khân păng plơ̆ sĭt lah: “Păng ta aơ đŏng, ri păng panăp khân may! Hăn gơnh hom, păng mhe tât ta ƀon nar aơ yorlah nar aơ phung ƀon lan mra ƀư brah ta ntŭk prêh.