I Samuel 7:10 - Nau Brah Ndu Ngơi 2023

¹⁰ Dôl Y-Samuel nhhơr ndơ ƀư brah gŭch, phung Philistin văch dăch ŭch tâm lơh đah phung Israel. Ƀiălah tâm nar nây Brah Yêhôva ƀư ăn lơp nglaih dah ƀhing ƀhing ma phung Philistin, ƀư ma khân păng uh ah, jêh ri khân păng roh nau dơi ta tra năp phung Israel.

I Samuel 7:10 Iomraidhean Croise

Nau Mprơ Ơm 18:15

Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 29:3

Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

Nau Mprơ Ơm 29:4

Bâr Brah Yêhôva ktang ngăn; Bâr Brah Yêhôva rnam ngăn.

Nau Mprơ Ơm 78:66

Păng dong phung rlăng plơ̆ nchuăt du; Ƀư bêk ma khân păng n'ho ro.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Yôsuê 10:10

Brah Yêhôva ƀư ăn ma khân păng nchuăt du rŭng răng tanăp phung Israel, jêh ri nkhĭt khân păng âk ngăn ta Gibêôn. Phung tahan Israel tĭng rgot khân păng ta trong sop Bet-Hôron, jêh ri lơh nkhĭt khân păng kŏ tât ma Asêka jêh ri Makêda.

Phung Kôranh Phat Dôih 4:15

Brah Yêhôva ƀư ma Y-Sisêra jêh ri lĕ rngôch ndeh seh loih nđâp ma lĕ phung tahan păng du nchuăt rŭng răng panăp măt đao Y-Barak. Y-Sisêra jŭr tă bơh ndeh seh jêh ri nchuăt du.

Phung Kôranh Phat Dôih 5:20

Lĕ ndâr trôk văch đŏng nau tâm lơh, Phung mănh mbing tĭng trong khân păng dâk tâm lơh đah Y-Sisêra.

Phung Kôranh Phat Dôih 5:8

Nôk bu hŏ săch jêh phung brah mhe, Ri mơ nau tâm lơh tât ta mpông ƀon. Tâm puăn jât rbăn nuyh tâm phung Israel Mbu moh saơ khêl mâu lah đao?

I Samuel 12:17

Nar aơ, mâu hĕ di jêng yan rek ba ƀlê? Gâp mra kuăl mbơh sơm ma Brah Yêhôva, jêh ri Păng mra ƀư lơp nglaih jêh ri mih. Ăn khân may gĭt jêh ri saơ ma nau dăn du huê hađăch jêng du nau tih toyh khân may hŏ ƀư tih tanăp măt Brah Yêhôva.”

I Samuel 14:15

Nau klach tât tâm lam pôih tahan, tâm mir, jêh ri tâm lĕ phung ƀon lan Philistin. Phung tahan tâm pôih tâm ban đŏng phung tahan hăn lơh ntŭng krit da dê, neh n'gơ n'găr. Nây jêng nau krit toyh ngăn bơh Brah Ndu ƀư.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”

I Samuel 7:11

Bơh Mispa, phung Israel hăn tĭng phung Philistin, jêh ri tâm lơh đah khân păng kŏ pa dâng ƀon Bet-Kar.