I Samuel 6:4 - Nau Brah Ndu Ngơi 2023

⁴ Phung Philistin ôp: “Moh ndơ hên mplơ̆ nhhơr ma Păng gay ma chuai nau tih?” Khân păng plơ̆ lah: “Prăm mlâm rup tŭl ko ƀư ma mah, jêh ri prăm mlâm kon đe ƀư ma mah, tĭng nâm ndah âk nuyh kôranh phung Philistin; yorlah lĕ rngôch khân may, jêh ri phung kôranh khân may, ăt tâm ban du nau rêh ni.

I Samuel 6:4 Iomraidhean Croise

Nau Ngluh Êjipt 12:35

Phung ƀon lan Israel hŏ ƀư jêh tĭng nâm nau Y-Môis ntĭnh, khân păng dăn ma phung Êjipt ăp ntil ndơ khlay ma prăk, ma mah, jêh ri kho ao.

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Phung Kôranh Phat Dôih 14:19

Rnôk nây, Huêng Brah Yêhôva văch gŭ ndrel ma Y-Samsôn. Păng hăn trŭnh ta Askalôn, nkhĭt pe jât nuyh, sŏk pit ndơ khân păng jêh ri nkhôm lĕ kôp ao padih ma phung rblang dơi nau tâm nchroh n'hôr nây. Păng plơ̆ sĭt ma ngih mbơ̆ păng tâm nau ji nuih hâu ngăn.

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

I Samuel 5:12

Bi phung mâu geh khĭt, nau ji tŭl ko mra ƀư rêh ni, jêh ri nau nter tâm ƀon nây hao tât klơ trôk.

I Samuel 5:6

Ƀiălah ti Brah Yêhôva ƀư nkrit ăn ma phung ƀon lan Asdôt, Păng ƀư ma lĕ ƀon jêh ri n'gor jŭm ƀon geh nau klach jêh ri nau rêh ni yorlah geh nau ji tŭl ko.

I Samuel 5:9

Ƀiălah nôk khân păng leo nglăp Hip Nau Tâm Rnglăp tât ta Gat jêh ri ti Brah Yêhôva ƀư ma ƀon toyh nây, lĕ ƀon toyh nây krit klach ngăn. Păng dong phung ƀon lan tâm ƀon nây, ntơm bơh phung mom ndăm tât ma phung bu ranh geh nau tŭl ko da dê.

I Samuel 6:5

Pôri, khân may ƀư hom rup tŭl ko, jêh ri phung rup kon đe ƀư rai n'gor khân may, jêh ri tâm rnê hom ma Brah Ndu Israel. Klăp lah Păng mra rhuăt ti Păng tă bơh khân may, tă bơh phung brah khân may, jêh ri tă bơh bri khân may.

I Samuel 6:8

Ăn djôt leo hom Hip Nau Tâm Rnglăp Brah Yêhôva dơm ta klơ ndeh. Bi lĕ rngôch ndơ ma mah khân may nhhơr mplơ̆ ăn Brah Yêhôva jêng ndơ nhhơr chuai nau tih, n'gân hom tâm du mlâm thŭng jêh ri dơm păng gŭ êp ta meng. Jêh ri ăn hom ndrôk uih ndeh.