I Samuel 6:2 - Nau Brah Ndu Ngơi 2023

² Nôk nây, phung Philistin kuăl phung kôranh ƀư brah jêh ri phung ƀŭk rƀên tât, jêh ri ôp: “Moh nau he mra ƀư ma Hip Nau Tâm Rnglăp Brah Yêhôva? Mbơh ma hên gĭt mâm mplơ̆ hom hip nây tât ma ntŭk ơm?”

I Samuel 6:2 Iomraidhean Croise

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

Nau Ngluh Êjipt 7:11

Pharaôn kuăl rgum phung gĭt blau jêh ri phung n'hŭm jêng phung rƀên n'gor Êjipt văch, khân păng dŏng nau blau rƀên gay ƀư tâm ban kơt nây đŏng.

Êsai 2:6

Nanê̆, May hŏ dun jêh phung ƀon lan May jêng ngih Yakôb. Yorlah khân păng bêng ma nau rƀên bơh mpeh Luh Nar, Jêh ri ƀư n'hŭm nâm bu phung Philistin, Khân păng lŏ tâm rnglăp đah phung bu năch mâu chroh.

Daniel 2:2

Hađăch tâm rgum phung ƀŭk rƀên, phung nchrâng mănh, phung kôranh n'hŭm jêh ri phung Kaldê gay rblang nau mbơi ma hađăch. Khân păng lăp gŭ tanăp hađăch.

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Mathay 2:4

Păng kuăl rgum phung kôranh ƀư brah toyh jêh ri phung kôranh nchih samƀŭt tâm phung ƀon lan gay ôp ma khân păng: “Ta ntŭk nau deh Brah Krist?”

I Samuel 5:8

Pôri, khân păng prơh bu hăn jă lĕ rngôch kôranh phung Philistin tât jêh ri lah: “Moh nau he mra ƀư ma Hip Nau Tâm Rnglăp Brah Ndu Israel?” Phung kôranh plơ̆ lah: “Leo nglăp hom Hip Nau Tâm Rnglăp Brah Ndu Israel tât ta Gat.” Pôri khân păng leo nglăp Hip Nau Tâm Rnglăp Brah Ndu Israel tât ta nây.

I Samuel 6:1

Hip Nau Tâm Rnglăp Brah Yêhôva gŭ pơh khay tâm n'gor Philistin.