I Samuel 6:17 - Nau Brah Ndu Ngơi 2023

¹⁷ Aơ jêng lĕ rup tŭl ko ƀư ma mah jêng ndơ phung Philistin nhhơr ma Brah Yêhôva gay ƀư ndơ nhhơr chuai nau tih: du mlâm ma Asdôt, du mlâm ma Gaxa, du mlâm ma Askalôn, du mlâm ma Gat, jêh ri du mlâm ma Êkron.

I Samuel 6:17 Iomraidhean Croise

II Samuel 1:20

Lơi nkoch ôh nau nây tâm Gat, Lơi mbơh ôh nau nây tâm lĕ trong Askalôn, Klach lah phung kon druh phung Philistin răm maak, Jêh ri phung kon bu ur phung mâu koh ntâu dơi răm rhơn!

II Samuel 21:22

Puăn nuyh phung Philistin aơ bu deh ta ƀon Gat, noi deh phung Rapha; khân păng khĭt tâm ti Y-Đavit jêh ri ma ti phung oh mon păng.

II Phung Hađăch 1:2

Hađăch Ahasia tŭp tă bơh jrô păng prêh ta klơ tâm ƀon Samari, jêh ri yor ma nây n'ho ma ji. Hađăch prơh phung mbơh hăn jêh ri ntĭnh pô aơ: “Hăn ôp hom ma Baal-Sêbup, brah ƀon Êkron, gĭt lah năl ma gâp mra bah hĕ nau ji aơ?”

II Nau Rêh Jêng 26:6

Păng jă phung tahan hăn tâm lơh đah phung tahan Philistin, jêh ri lơh rlâm lĕ mpêr ƀon Gat, Japnê jêh ri mpêr Asdôt. Hađăch rdâk âk play ƀon tâm neh bri Asdôt jêh ri tâm bri Philistin.

Yêrêmi 25:20

lĕ rngôch phung ƀon lan gŭ tâm rlŭk, lĕ rngôch hađăch n'gor bri Us, lĕ rngôch hađăch n'gor bri Philistin: nây jêng hađăch Askalôn, Gaxa, Êkron, jêh ri phung hôm e klen gŭ ta Asdôt;

Kan Lêvi 5:7

Ƀiălah tơlah păng mâu dơi tŏng nau nhhơr du mlâm kon biăp me mâu lah du mlâm kon be me gay ntrok nau tih păng hŏ ƀư jêh, ăn păng nhhơr ma Brah Yêhôva du kôp sĭm ntơp mâu lah du kôp plŭk kon: du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Amôt 6:2

Pôri rgăn hom ta ƀon Kalnê jêh ri uănh; Ntơm bơh nây hăn hom tât ta ƀon toyh Hamat Jêh ri hăn trŭnh tât ta ƀon Gat phung philistin. Lĕ ƀon toyh nây jêng ueh lơn ma phung ƀon bri hađăch aơ lĕ bơh? Bri neh khân păng jêng toyh lơn ma bri khân may lĕ ƀơh?

Nau Vay Nkah Tay 28:27

Brah Yêhôva mra ƀư rêh ni khân may ma nau ji ndâng ok eh bơh n'gor Êjipt, nau ji toh ko, ji toh ok, nau ji chiăt ƀiălah săm mâu dơi bah ôh.

Phung Kôranh Phat Dôih 1:18

Ndŭl mpôl Yuđa pit sŏk đŏng ƀon Gaxa jêh ri lĕ n'gor jŭm păng, ƀon Askalôn jêh ri Êkron jêh ri n'gor jŭm păng.

Phung Kôranh Phat Dôih 14:19

Rnôk nây, Huêng Brah Yêhôva văch gŭ ndrel ma Y-Samsôn. Păng hăn trŭnh ta Askalôn, nkhĭt pe jât nuyh, sŏk pit ndơ khân păng jêh ri nkhôm lĕ kôp ao padih ma phung rblang dơi nau tâm nchroh n'hôr nây. Păng plơ̆ sĭt ma ngih mbơ̆ păng tâm nau ji nuih hâu ngăn.

Phung Kôranh Phat Dôih 16:1

Y-Samsôn hăn tât ma Gaxa, ta nây păng saơ du huê bu ur văng tĭr jêh ri hăn lăp ngih păng.

Phung Kôranh Phat Dôih 16:21

Phung Philistin nhŭp păng, rloch măt păng, jêh ri leo păng trŭnh ma Gaxa. Khân păng chăp păng ma rse rvăk kông jêh ri păng kĭn mpăl peh tâm ndrung bu nă.

I Samuel 5:1

Tơlah pit sŏk jêh Hip Nau Tâm Rnglăp Brah Ndu, phung Philistin djôt leo Hip Nau Tâm Rnglăp tă bơh Êbenêser tât ta Asdôt.

I Samuel 5:10

Nôk nây, khân păng njuăl Hip Nau Tâm Rnglăp Brah Ndu tât ta Êkron. Tơlah Hip Nau Tâm Rnglăp tât jêh ta Êkron, phung ƀon lan Êkron lŭng nter huy pô aơ: “Khân păng leo nglăp jêh Hip Nau Tâm Rnglăp Brah Ndu Israel tât ta he gay nkhĭt he jêh ri phung ƀon lan he!”

I Samuel 5:8

Pôri, khân păng prơh bu hăn jă lĕ rngôch kôranh phung Philistin tât jêh ri lah: “Moh nau he mra ƀư ma Hip Nau Tâm Rnglăp Brah Ndu Israel?” Phung kôranh plơ̆ lah: “Leo nglăp hom Hip Nau Tâm Rnglăp Brah Ndu Israel tât ta Gat.” Pôri khân păng leo nglăp Hip Nau Tâm Rnglăp Brah Ndu Israel tât ta nây.

I Samuel 6:4

Phung Philistin ôp: “Moh ndơ hên mplơ̆ nhhơr ma Păng gay ma chuai nau tih?” Khân păng plơ̆ lah: “Prăm mlâm rup tŭl ko ƀư ma mah, jêh ri prăm mlâm kon đe ƀư ma mah, tĭng nâm ndah âk nuyh kôranh phung Philistin; yorlah lĕ rngôch khân may, jêh ri phung kôranh khân may, ăt tâm ban du nau rêh ni.