I Samuel 6:16 - Nau Brah Ndu Ngơi 2023

¹⁶ Tơlah prăm nuyh kôranh phung Philistin saơ nau nây, khân păng plơ̆ sĭt nar nây ro ma ƀon Êkron.

I Samuel 6:16 Iomraidhean Croise

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Phung Kôranh Phat Dôih 16:5

Phung kôranh chiă uănh Philistin hăn tât ta ngih bu ur nây jêh ri lah: “Ndơm hom păng gay ngơi ma hên gĭt ntŭk păng geh nau ktang toyh kơt nĕ jêh ri mâm hên mra dơi đah păng, dơi chăp păng jêh ri ƀư ăn păng iăt tông ma hên. Ăp nơm hên mra ăn ma ay du rbăn du rhiăng glo prăk.”

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

I Samuel 5:10

Nôk nây, khân păng njuăl Hip Nau Tâm Rnglăp Brah Ndu tât ta Êkron. Tơlah Hip Nau Tâm Rnglăp tât jêh ta Êkron, phung ƀon lan Êkron lŭng nter huy pô aơ: “Khân păng leo nglăp jêh Hip Nau Tâm Rnglăp Brah Ndu Israel tât ta he gay nkhĭt he jêh ri phung ƀon lan he!”

I Samuel 6:12

Bar mlâm ndrôk nây hăn sŏng tĭng trong sĭt leo ƀon Bet-Sêmes. Khân păng ăt hăn tĭng trong toyh, rđuh dôl hăn, mâu teng mpeh pa ma, mâu lah teng mpeh pa chiau ôh. Phung kôranh Philistin hăn tĭng groi pakơi khân păng kŏ tât ta n'har Bet-Sêmes.

I Samuel 6:4

Phung Philistin ôp: “Moh ndơ hên mplơ̆ nhhơr ma Păng gay ma chuai nau tih?” Khân păng plơ̆ lah: “Prăm mlâm rup tŭl ko ƀư ma mah, jêh ri prăm mlâm kon đe ƀư ma mah, tĭng nâm ndah âk nuyh kôranh phung Philistin; yorlah lĕ rngôch khân may, jêh ri phung kôranh khân may, ăt tâm ban du nau rêh ni.