I Samuel 5:4 - Nau Brah Ndu Ngơi 2023

⁴ Ang ôi taơ, khân păng kah rngăl ơm ôi đŏng, jêh ri saơ Dagôn cha lôt tay nkŭp muh măt ta neh panăp Hip Nau Tâm Rnglăp Brah Yêhôva, bôk jêh ri lĕ bar mlâm ti tŭp da dê ta klơ kađar lăp mpông sâng, knŏng hôm săk păng dơm hôm e.

I Samuel 5:4 Iomraidhean Croise

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 40:20

Nơm o ach ngăn mâu dơi geh rup tŏ ôh Pôri păng săch tơm si mâu blau ôm, Jêh ri joi du huê bunuyh blau ueh Gay ndâk du rup nâp ktang.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Mika 1:7

Lĕ rngôch rup trah păng bu mra dong nchah, Lĕ rngôch ndơ păng nhhơr bu mra su tâm ŭnh; Jêh ri Gâp mra ƀư rai lơi lĕ rngôch ƀhiau rup brah păng. Yorlah păng hŏ bun prăp lĕ ndơ ma rnoh nkhôm tă bơh bu ur văng tĭr; Yor ri, lĕ ndơ nây mra dơi dŏng tay ƀư rnoh nkhôm ăn ma bu ur văng tĭr êng.

I Samuel 6:5

Pôri, khân may ƀư hom rup tŭl ko, jêh ri phung rup kon đe ƀư rai n'gor khân may, jêh ri tâm rnê hom ma Brah Ndu Israel. Klăp lah Păng mra rhuăt ti Păng tă bơh khân may, tă bơh phung brah khân may, jêh ri tă bơh bri khân may.