I Samuel 5:10 - Nau Brah Ndu Ngơi 2023

¹⁰ Nôk nây, khân păng njuăl Hip Nau Tâm Rnglăp Brah Ndu tât ta Êkron. Tơlah Hip Nau Tâm Rnglăp tât jêh ta Êkron, phung ƀon lan Êkron lŭng nter huy pô aơ: “Khân păng leo nglăp jêh Hip Nau Tâm Rnglăp Brah Ndu Israel tât ta he gay nkhĭt he jêh ri phung ƀon lan he!”

I Samuel 5:10 Iomraidhean Croise

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Phung Hađăch 1:2

Hađăch Ahasia tŭp tă bơh jrô păng prêh ta klơ tâm ƀon Samari, jêh ri yor ma nây n'ho ma ji. Hađăch prơh phung mbơh hăn jêh ri ntĭnh pô aơ: “Hăn ôp hom ma Baal-Sêbup, brah ƀon Êkron, gĭt lah năl ma gâp mra bah hĕ nau ji aơ?”

I Nau Rêh Jêng 7:21

kon Y-Tahat jêng Y-Saƀat, kon Y-Saƀat jêng Y-Suthêla, Y-Êser, jêh ri Y-Êlêat; phung gŭ tâm neh Gat nkhĭt khân păng, yorlah khân păng trŭnh ta neh Gat gay ntŭng mpô mpa phung Gat rong ta nây.

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Amôt 6:2

Pôri rgăn hom ta ƀon Kalnê jêh ri uănh; Ntơm bơh nây hăn hom tât ta ƀon toyh Hamat Jêh ri hăn trŭnh tât ta ƀon Gat phung philistin. Lĕ ƀon toyh nây jêng ueh lơn ma phung ƀon bri hađăch aơ lĕ bơh? Bri neh khân păng jêng toyh lơn ma bri khân may lĕ ƀơh?

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 15:11

N'har nây thoi tât dor yôk mpeh pa lơ Êkron jêh ri ndăch jŭm tât ma Sikêron, hăn rgăn yôk Balah, hăn sŏng tât ma Japnel, jêh ri lôch ta dak mƀŭt.

Yôsuê 15:45

Êkron, ndrel ma ƀon toyh jêh ri ƀon jê̆ khân păng;

Phung Kôranh Phat Dôih 1:18

Ndŭl mpôl Yuđa pit sŏk đŏng ƀon Gaxa jêh ri lĕ n'gor jŭm păng, ƀon Askalôn jêh ri Êkron jêh ri n'gor jŭm păng.

I Samuel 17:52

Nôk nây, phung ƀon lan Israel jêh ri Yuđa dâk ma nau troh nter jêh ri hăn tĭng phung tahan Philistin tât ta ƀon Gat jêh ri bôk mpông ƀon Êkron. Săk jăn phung tahan Philistin cha lôt khĭt rŏ trong ntơm bơh Saraim tât Gat jêh ri Êkron.

I Samuel 5:11

Yor ri, khân păng prơh tay bu kuăl lĕ rngôch phung kôranh Philistin, jêh ri lah: “Leo mplơ̆ tay hom Hip Nau Tâm Rnglăp Brah Ndu Israel, mplơ̆ sĭt păng ta ntŭk ơm, lah mâu, he jêh ri phung ƀon lan he mra khĭt!” Yorlah tâm ăp ƀon lĕ geh da dê jêh nau krit kir ma nau khĭt. Ti Brah Ndu ăn nau rêh ni toyh ngăn ta nây.

I Samuel 5:9

Ƀiălah nôk khân păng leo nglăp Hip Nau Tâm Rnglăp tât ta Gat jêh ri ti Brah Yêhôva ƀư ma ƀon toyh nây, lĕ ƀon toyh nây krit klach ngăn. Păng dong phung ƀon lan tâm ƀon nây, ntơm bơh phung mom ndăm tât ma phung bu ranh geh nau tŭl ko da dê.

I Samuel 6:1

Hip Nau Tâm Rnglăp Brah Yêhôva gŭ pơh khay tâm n'gor Philistin.