I Samuel 4:4 - Nau Brah Ndu Ngơi 2023

⁴ Pôri, phung ƀon lan prơh bunuyh hăn tât ta Silô. Tă bơh nây, khân păng sŏk Hip Nau Tâm Rnglăp Brah Yêhôva ma phung tahan, jêng Nơm gŭ ta nklang phung Chêrubim. Bar hê kon bu klâu Y-Êli, jêng Y-Hôphni jêh ri Y-Phinêas, hăn tĭng Hip Nau Tâm Rnglăp Brah Ndu.

I Samuel 4:4 Iomraidhean Croise

II Samuel 15:24

Ta nây geh đŏng Y-Sadôk jêh ri lĕ rngôch phung Lêvi tung Hip Nau Tâm Rnglăp Brah Ndu. Khân păng njuyh Hip Nau Tâm Rnglăp Brah Ndu ta neh, jêh nây Y-Abiathar hăn lor panăp kŏ tât nôk lĕ rngôch phung ƀon lan hŏ du luh jêh tă bơh ƀon.

II Samuel 6:2

Jêh nây Y-Đavit hăn trong, nđâp ma lĕ rngôch phung tĭng ndô̆ păng tât Baale tâm Yuđa gay tung leo Hip Nau Tâm Rnglăp Brah Ndu plơ̆ sĭt. Nĕ jêng hip tuy amoh Brah Yêhôva ma phung tahan, Nơm hôm gŭ ta nklang phung chêrubim ta klơ nây.

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ơm 80:2

Tanăp Êphraim, Benjamin jêh ri Manasê. Dăn ƀư nau brah May Jêh ri văch tâm rklaih hên.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Malachi 1:9

Aƀaơ, dăn hom nau yô̆ bơh Brah Yêhôva, gay ma Păng ăn nau yô̆ ma phung he. Ƀiălah yor ti khân may hŏ ƀư pô nĕ, gĭt lah tâm khân may mbu nơm Păng mra dơn?

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 4:5

Tơlah rmlak tahan trơn ntŭk, Y-Arôn jêh ri phung kon bu klâu păng mra tât rơih lơi bok nching jêh ri nkŭm klơ Hip Nau Tâm Rnglăp,

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

I Samuel 1:24

Tơlah kon se lĕ chalơi toh jêh, păng njŭn leo kon se tât ngih Brah Yêhôva ta Silô, leo nđâp ma pe mlâm ndrôk nkuăng rah, klăp lah jât kilô rnih môi, jêh ri du nông ndrănh. Y-Samuel hôm jê̆ ngăn.

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.

I Samuel 2:22

Nôk nây, Y-Êli hŏ ranh ngăn. Păng tăng lĕ ntil nau bar hê kon bu klâu păng ƀư ma lĕ rngôch phung Israel, jêh ri ma nau khân păng bê̆ch ndrel đah phung bu ur pah kan ta mpông Ngih Bok Nau Tâm Rƀŭn.