I Samuel 4:3 - Nau Brah Ndu Ngơi 2023

³ Tơlah phung tahan plơ̆ sĭt ta rmlak tahan, phung bu ranh Israel lah: “Mâm ƀư Brah Yêhôva ăn phung Philistin dơi lơh đah he nar aơ? Ăn he hăn sŏk Hip Nau Tâm Rnglăp Brah Yêhôva tă bơh Silô văch ta aơ, dơm Hip Nau Tâm Rnglăp ta nklang he jêh ri mra tâm rklaih he bơh ti phung rlăng he!”

I Samuel 4:3 Iomraidhean Croise

II Samuel 15:25

Hađăch lah ma Y-Sadôk: “Djôt leo hom Hip Nau Tâm Rnglăp Brah Ndu plơ̆ sĭt ma ƀon. Tơlah gâp mra geh nau yô̆ tanăp măt Brah Yêhôva, Păng mra njŭn ăn gâp plơ̆ sĭt đŏng, ăn gâp saơ Hip Nau Tâm Rnglăp jêh ri ntŭk Brah Yêhôva gŭ.

I Nau Rêh Jêng 17:1

Tơlah Y-Đavit gŭ jêh tâm nau mpăn rlêk ta ngih păng nơm, păng ngơi đah nơm mbơh lor Y-Nathan: “Aơ, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Yêhôva gŭ tâm ngih bok.”

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Mprơ Ơm 74:11

Mâm ƀư May rhuăt lơi ti, nây jêng ti ma May? Ăn yơr hom ti jêh ri ƀư rai lơi khân păng!

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Yêrêmi 3:16

Brah Yêhôva lah đŏng: “Dôl khân may bĭk rơ̆ jêh ri hao jêng âk tâm n'gor, nôk nây bu mâu mra ngơi tât ma Hip Nau Tâm Rnglăp Brah Yêhôva đŏng ôh! Bu mâu hôm mra mĭn mâu lah nkah kah gĭt tât, mâu hôm nhhuach mâu lah ŭch pâng du mlâm Hip êng.

Yêrêmi 7:4

Lơi ta rnơm nsing ôh ma lĕ nau ngơi ndơm nâm bu: “Aơ jêng ngih brah Brah Yêhôva, ngih brah Brah Yêhôva, ngih brah Brah Yêhôva!”

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Nau Kơp Bunuyh 10:35

Tơlah Hip Nau Tâm Rnglăp trơn, Y-Môis lah pô aơ: “Ơ Brah Yêhôva, dăn dâk hăn gay ƀư ma phung rlăng May chah rai pru pra, Jêh ri ƀư ma phung tâm rmot ma May nchuăt du panăp May!”

Nau Kơp Bunuyh 31:6

Y-Môis prơh jât rmưn bar rbăn nuyh hăn ma nau tâm lơh, jêng ăp ndŭl mpôl prơh du rbăn nuyh, ndrel ma Y-Phinêas, kon bu klâu kôranh ƀư brah Y-Êlêasar, djôt leo lĕ ndơ tâm lơh kloh ueh jêh ri nŭng uh gay ntrŭt phung tahan.

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

Nau Vay Nkah Tay 31:26

“Sŏk hom ndrom samƀŭt nau vay aơ jêh ri dơm păng ta meng Hip Nau Tâm Rnglăp Yêhôva Brah Ndu khân may. Ndrom samƀŭt aơ gŭ ta nây mra nâm bu nau mbơh tâm rdâng đah khân may,

II Timôthê 3:5

tâm mpơl nau klach yơk padih, ƀiălah dun lơi nau brah ma nau klach yơk nây. Ăn may der ngai bơh phung kơt nây.

ហេឞ្រើ 9:4

ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

Yôsuê 6:6

Pônây Y-Yôsuê, kon bu klâu Y-Nun, kuăl phung kôranh ƀư brah jêh ri lah: “Tung hom Hip Nau Tâm Rnglăp jêh ri ăn pơh nuyh kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva.”

Yôsuê 7:7

Y-Yôsuê lah: “Ơ! Kôranh Brah Yêhôva, mâm ƀư May djôt leo phung ƀon lan aơ rgăn dak krong Yurdan, jêh ri jao hên tâm ti phung Amôrit gay ƀư rai lơi hên? Vư! Ueh lơn hên gŭ ta kơh tê̆ dak krong Yurdan?

Yôsuê 7:8

Ơ! Brah Yêhôva! Moh nau gâp hôm dơi lah dôl phung Israel hŏ ndôn kơi jêh ri nchuăt du panăp phung rlăng khân păng nơm?

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

Yuđas 1:5

Nđâp tơlah khân may gĭt jêh lĕ rngôch nau nây, gâp ŭch nkah ma khân may pô aơ: Kôranh Brah tâm rklaih jêh phung ƀon lan Păng luh bơh n'gor Êjipt, ƀiălah jêh ma nây Păng ƀư rai phung mâu chroh.

I Samuel 1:24

Tơlah kon se lĕ chalơi toh jêh, păng njŭn leo kon se tât ngih Brah Yêhôva ta Silô, leo nđâp ma pe mlâm ndrôk nkuăng rah, klăp lah jât kilô rnih môi, jêh ri du nông ndrănh. Y-Samuel hôm jê̆ ngăn.

I Samuel 14:18

Y-Sôl lah ma Y-Ahija: “Djôt leo hom Hip Nau Tâm Rnglăp Brah Ndu văch ta aơ.” (Yorlah rnôk nây, Hip Nau Tâm Rnglăp Brah Ndu bu tung leo ndrel phung Israel).

I Samuel 4:2

Phung Philistin nkrĭp tahan tâm lơh đah phung Israel. Ta mông tâm lơh, phung Philistin dơi đah phung Israel jêh ri nkhĭt phung Israel ntŭk tâm lơh klăp lah geh puăn rbăn nuyh.