I Samuel 4:2 - Nau Brah Ndu Ngơi 2023

² Phung Philistin nkrĭp tahan tâm lơh đah phung Israel. Ta mông tâm lơh, phung Philistin dơi đah phung Israel jêh ri nkhĭt phung Israel ntŭk tâm lơh klăp lah geh puăn rbăn nuyh.

I Samuel 4:2 Iomraidhean Croise

Nau Nhĭm Vơl 3:40

Ăn he sek uănh tay hom trong he nơm, Jêh ri plơ̆ sĭt ma Brah Yêhôva.

Kan Lêvi 26:37

Nơm aơ chêh prah ta klơ nơm ri tâm ban ma nchuăt du bơh măt đao nđâp lah mâu geh nơm hăn tĭng khân may. Khân may mâu dơi tâm rđâng đah phung rlăng.

Nau Kơp Bunuyh 14:45

Phung ƀon lan Amalek jêh ri phung Kanaan gŭ tâm n'gor klơ dor yôk hăn trŭnh tâm lơh rai Phung ƀon lan Israel jêh ri tĭng khân păng tât ta Hôrma.

Yôsuê 7:12

Yor ri, phung ƀon lan Israel mâu dơi tâm rdâng đah phung rlăng khân păng ôh, khân păng nchuăt ndôn kơi panăp phung rlăng khân păng, yorlah phung Israel lĕ jêng ndơ bu prăp ma nau ƀư rai. Tơlah khân may mâu ntlơi lơi lĕ ndơ bu prăp ma nau ƀư rai nây, Gâp mâu hôm gŭ ndrel ma khân may đŏng ôh.

I Samuel 17:21

Phung Israel jêh ri phung Philistin dăp tahan ma nau tâm lơh, bar đah khân păng tâm rdâng.

I Samuel 17:8

Păng dâk jêh ri nter huy ma phung tahan Israel: “Mâm ƀư khân may du luh ŭch dăp tahan ma nau tâm lơh? Mâu di hĕ gâp jêng du huê Philistin, jêh ri mâu di khân may jêng phung oh mon Y-Sôl? Săch hom du huê tâm khân may hăn jŭr văch gay tâm lơh đah gâp.

I Samuel 4:1

Nau Y-Samuel ngơi tât ma lĕ rngôch phung Israel. Nôk nây, phung Israel dâk hăn tâm lơh đah phung Philistin, jêh ri khân păng ƀư pôih rmlak dăch Êbenêser, bi phung Philistin ƀư pôih rmlak ta Aphek.

I Samuel 4:10

Phung Philistin tâm lơh, jêh ri dơi lơh phung Israel, ăp nơm nchuăt du sĭt leo ma pôih khân păng nơm. Nây jêng du nau tâm lơh roh rai toyh ngăn ngên, geh pe rmưn nuyh tahan hăn jâng Israel lĕ cha lôt khĭt jêh.

I Samuel 4:3

Tơlah phung tahan plơ̆ sĭt ta rmlak tahan, phung bu ranh Israel lah: “Mâm ƀư Brah Yêhôva ăn phung Philistin dơi lơh đah he nar aơ? Ăn he hăn sŏk Hip Nau Tâm Rnglăp Brah Yêhôva tă bơh Silô văch ta aơ, dơm Hip Nau Tâm Rnglăp ta nklang he jêh ri mra tâm rklaih he bơh ti phung rlăng he!”