I Samuel 4:19 - Nau Brah Ndu Ngơi 2023

¹⁹ Nôk nây, ƀăn păng, jêng ur Y-Phinêas, dôl ntreo jêh ri lĕ dăch nar deh. Tơlah păng tăng ma nau bu lĕ pit sŏk jêh Hip Nau Tâm Rnglăp Brah Ndu, jêh ri gĭt po păng nđâp ma sai păng lĕ khĭt jêh, ƀât lât păng geh nau tât ji deh, păng kŭnh jêh ri deh kon.

I Samuel 4:19 Iomraidhean Croise

Nau Ntơm 3:16

Brah Ndu lah ma bu ur: “Gâp mra ntop n'hao âk nau rgănh dôl ay ntreo, Jêh ri ntop âk nau ji ăp tơ̆ dôl ay deh kon. Ƀiălah, ay hôm ŭch rêh êp sai ay, Jêh ri sai ay mra chiă uănh ay.”

Nau Ntơm 35:17

Dôl păng hôm ji hô, n'hŭm lah ma păng: “Lơi klach ôh yorlah ay mra geh tay du huê kon bu klâu.”

I Phung Hađăch 14:1

Nôk nây, Y-Abija, kon Y-Jêrôbôam, geh nau ji.

Nau Mprơ Ơm 78:64

Phung Kôranh ƀư brah cha lôt prah yor đao, Ƀiălah phung bu ur ndrô khân păng mâu nhĭm nhhiăng ôh.

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

I Samuel 4:18

Bunuyh nây mhe lah ma Hip Nau Tâm Rnglăp Brah Ndu, Y-Êli cha lôt plơ̆ nkơi tă bơh rnơl păng ta meng mpông sâng, pă nko lêr jêh ri khĭt; yorlah păng hŏ ranh huơi jêh ri jâk rgănh. Păng hŏ ƀư kan phat dôih ma phung Israel tâm puăn jât năm.

I Samuel 4:20

Dôl păng lĕ dăch khĭt, phung bu ur geh măt ta nây lah: “Lơi klach ôh, yorlah ay deh jêh du huê kon bu klâu!” Ƀiălah păng mâu plơ̆ lah, mâu đŏng mĭn rvê lĕ nau nây.