I Samuel 30:6 - Nau Brah Ndu Ngơi 2023

⁶ Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.

I Samuel 30:6 Iomraidhean Croise

Nau Ntơm 32:7

Y-Yakôb klach dŭt n'hâm jêh ri rvê ngăn. Păng tâm pă phung bunuyh ndrel păng nđâp ma phung be biăp, ndrôk, seh samô jêng bar phung.

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

II Phung Hađăch 4:27

Tơlah bu ur nây hăn mâp ma bunuyh Brah Ndu ta klơ yôk, bu ur nây ut kuăn ta jâng păng. Y-Gêhasi văch dăch gay mprơh lơi păng, ƀiălah bunuyh Brah Ndu lah: “Kđôi păng, yorlah nuih n'hâm păng geh nau rngot hâu ngăn; Brah Yêhôva hŏ pôn ma gâp nau nây, jêh ri mâu ăn ma gâp gĭt.”

Ndrom Samƀŭt bơh Yôp 13:15

Nđâp lah Kôranh Brah nkhĭt gâp, gâp hôm e rnơm nsing ma Păng; Jêh ri gâp mra koh dŏng nau rêh gâp nơm tanăp măt Păng.

Nau Mprơ Ơm 116:10

Gâp nâp nau chroh nđâp lah gâp ngơi: “Gâp jêng rêh ni ngăn.”

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 18:6

Tâm nau rêh ni gâp mbơh sơm ma Brah Yêhôva, Gâp kuăl ma Brah Ndu gâp. Bơh ngih brah, Păng tăng bâr gâp Jêh ri bâr gâp kuăl gay rklaih tât ta tôr Păng.

Nau Mprơ Ơm 25:17

Nau uh ah tâm nuih n'hâm gâp ntop âk; Dăn Kôranh Brah rklaih an gâp bơh nau mhĭk tât.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 31:24

Hơi lĕ bunuyh gŭ kâp Brah Yêhôva, Ăn geh hom nuih n'hâm nâp!

Nau Mprơ Ơm 42:11

Ơ Huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; yorlah Gâp mra mprơ tâm rnê Păng, Jêng Nơm kơl gâp jêh ri Brah Ndu gâp.

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Nau Mprơ Ơm 42:7

Brŏng jru tâm kuăl ndrăng păng Nteh drơu drơu nteh dak leng May; Lĕ rngôch rbuh jêh ri dak lêng May Nkŭm ta klơ gâp.

Nau Mprơ Ơm 56:11

Gâp dơm lĕ nau rnơm tâm Brah Ndu, yor nây mâu klach ôh; Kon bunuyh nglay săk moh ndơ mra dơi ƀư ma gâp?

Nau Mprơ Ơm 62:1

Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 62:5

Ơ huêng gâp, gŭ rlu hom tâm Brah Ndu. Yorlah nau gâp kâp gân dơm tâm păng.

Nau Mprơ Ơm 71:4

Ơ Brah Ndu gâp, tâm rklaih gâp bơh ti phung ƀai, Jêh ri bơh ti bunuyh kue jêh ri janh ƀai.

Nau Mprơ Ơm 71:5

Yorlah, ơ Kôranh Brah jêng Brah Yêhôva, May jêng nau kâp gân Jêh ri jêng nau gâp rnơm nsing bơh hôm mom.

Nau Ngluh Êjipt 17:4

Y-Môis kuăl dăn ma Brah Yêhôva: “Mâm gâp mra ƀư ma phung ƀon lan aơ? Mâu tŏng ndơ khân păng klŭp gâp ma lŭ!”

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yônais 2:2

Y-Yôna tă bơh ndŭl ka mbơh sơm ma Yêhôva Brah Ndu păng.

Nau Kơp Bunuyh 14:10

Nôk nây lĕ rngôch phung tâm rƀŭn ŭch klŭp khân păng ma lŭ, ƀiălah nau chrêk rmah Brah Yêhôva tâm mpơl tanăp măt phung ƀon lan Israel.

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Mathay 27:22

Pilat lah: “Pôri mâm gâp mra ƀư ma Brah Yêsu rnha jêng Brah Krist?” Khân păng plơ̆ lah da dê: “Pâng păng ma kđĭn ta si tâm rkăng!”

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Samƀŭt Pôl Njuăl Ăn Ma Phung Nsing Ta Ƀon Rôm 4:18

Păng kâp gân nđâp tơlah mâu hôm geh nau gay ma kâp gân; păng ăt chroh jêh ri plơ̆ jêng mbơ̆ ma âk phung ndŭl mpôl, tĭng nâm nau ngơi jêh ma păng pô aơ: “Noi deh may mra kơt nĕ.”

Samƀŭt Pôl Njuăl Ăn Ma Phung Nsing Ta Ƀon Rôm 4:20

Păng mâu ăn ma nuih n'hâm mâu chroh ƀư ma păng vĭ vĕ ma nau Brah Ndu ton, ƀiălah lơ ktang lơn tâm nau chroh jêh ri tâm rnê Brah Ndu,

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

II Kôrintô 1:6

Tơlah hên geh nau rêh ni, nau nây gay ma khân may geh nau bonh leng jêh ri geh nau tâm rklaih; mâu lah tơlah hên geh nau bonh leng, nau nây gay ma khân may geh nau bonh leng, jêng nau bonh leng khân may hŏ găn jêh dôl nsrôih dơn lĕ nau rêh ni nâm bu hên geh.

II Kôrintô 4:8

Hên geh nau mpet tâm lĕ rngôch trong, ƀiălah mâu geh nau rchiăt hăch ôh; geh nau răng rŭng, ƀiălah mâu rdja nuih ôh;

II Kôrintô 7:5

Yorlah nôk tât ta n'gor Masêđôn, nglay săk hên mâu mâp geh rlu ôh, nau rêh ni gŭ jŭm hên — nau tâm lơh padih, nau klach tâm trôm.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

Phung Kôranh Phat Dôih 18:25

Phung Dan lah ma Y-Mika: “Lơi ăn hên tăng ôh bâr may ta nklang hên, klach lah geh phung ji nuih ma may, jêh nây may jêh ri phung bunuyh tâm ngih may mra roh nau rêh.”

Phung Kôranh Phat Dôih 20:22

Phung ƀon lan Israel tâm ntrôl tay jêh ri du tơ̆ tay nkrĭp dăp tahan ta ntŭk khân păng hŏ nkrĭp dăp tahan jêh nar lor.

I Samuel 1:10

Nuih n'hâm H'Anna rngot, păng kuăl mbơh sơm ma Brah Yêhôva ma nau nhĭm rngot.

I Samuel 23:16

Nôk nây Y-Jônathan, kon Y-Sôl, hăn trong văch ma Y-Đavit ta Hêres, kơl păng nâp nuih n'hâm, rnơm nsing ma Brah Ndu.

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”