I Samuel 30:21 - Nau Brah Ndu Ngơi 2023

²¹ Y-Đavit plơ̆ sĭt, tât ma phung bar rhiăng nuyh lĕ huăr jêh, mâu dơi tĭng păng, jêh ri hŏ chalơi ta dak n'hor Bêsor. Phung bar rhiăng nây chuă vơt Y-Đavit jêh ri phung tahan tĭng păng. Y-Đavit tât dăch jêh ri mbah jô̆ khâl ma khân păng.

I Samuel 30:21 Iomraidhean Croise

ហេឞ្រើ 13:1

Ăn djôt prăp mro nau rŏng ndrăng oh nâu.

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

Phung Kôranh Phat Dôih 8:15

Jêh nây păng tât ma phung ƀon lan ƀon toyh Sukôt, jêh ri lah: “Aơ jêng Y-Sêba jêh ri Y-Salmuna, khân may mưch ma gâp pô aơ: ‘Ơm ti may lĕ geh nhŭp Y-Sêba jêh ri Y-Salmuna dĭng may đă hên ăn piăng let ma phung tahan huăr may sa?’”

I Samuel 17:18

May tâm ban đŏng djôt leo jât glo ƀănh dak toh aơ ăn ma kôranh chiă uănh du rbăn nuyh tahan phung nâu may. Uănh hom phung nâu may gŭ ueh lăng săk jăn, jêh ri bi may nơm plơ̆ mbơh ma gâp du nau mbên gay saơ khân păng geh nau đăp mpăn.”

I Samuel 17:22

Y-Đavit juyh ndô ndơ, jao ma nơm mât prăp ndơ, păng nchuăt ran tât ntŭk dăp tâm lơh, lup nau jô̆ khâl phung nâu păng geh nau ueh lăng săk jăn mâu lah mâu.

I Samuel 30:10

Ƀiălah Y-Đavit ndrel ma puăn rhiăng nuyh ăt hăn tĭng lơh; bi bar rhiăng ri gŭ tay yorlah lĕ huăr ngăn, mâu dơi rgăn ôh n'hor dak Bêsor.

I Samuel 30:22

Ƀiălah lĕ rngôch phung janh ƀai jêh ri mhĭk tâm phung tahan hăn tĭng ma Y-Đavit, jêh ri lah: “Yorlah khân păng mâu hăn ndrel ma he ôh, he mâu mra ăn ôh du ntil ndơ hŏ geh sŏk sĭt jêh, knŏng ăp nơm dơi njŭn sĭt ur păng jêh ri phung kon păng dơm. Khân păng njŭn leo khân păng hăn sĭt!”