I Samuel 30:20 - Nau Brah Ndu Ngơi 2023

²⁰ Păng sŏk đŏng lĕ ndrôk jêh ri biăp. Phung tahan Y-Đavit têk mpô mpa rong nây sĭt, jêh ri lah: “Aơ yơh ndơ Y-Đavit sŏk gro.”

I Samuel 30:20 Iomraidhean Croise

II Nau Rêh Jêng 14:15

Khân păng lơh đŏng pit sŏk lĕ mpô mpa rong mât tâm ndrung, nhŭp veng dŭt âk phung biăp jêh ri seh samô, jêh nây sĭt rlet ma Yêrusalem.

II Nau Rêh Jêng 20:25

Y-Jôsaphat jêh ri phung tahan păng tât sŏk pit ndô ndơ, âk ngăn drăp ndơ jêh ri ndơ nkrơ̆ khlay klơ săk jăn phung tahan rlăng. Khân păng sŏk pit ma khân păng nơm kŏ tât khân păng mâu hôm dơi tuy ôh. Khân păng sŏk gro ndô ndơ nây tâm pe nar, yorlah ndô ndơ dŭt âk ngăn.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

I Samuel 30:21

Y-Đavit plơ̆ sĭt, tât ma phung bar rhiăng nuyh lĕ huăr jêh, mâu dơi tĭng păng, jêh ri hŏ chalơi ta dak n'hor Bêsor. Phung bar rhiăng nây chuă vơt Y-Đavit jêh ri phung tahan tĭng păng. Y-Đavit tât dăch jêh ri mbah jô̆ khâl ma khân păng.

I Samuel 30:26

Tơlah Y-Đavit sĭt tât ma Siklak, păng njuăl du kô̆ ndô ndơ sŏk gro ma phung bu ranh phung Yuđa, jêng phung mĭt jiăng păng, jêh ri lah: “Aơ jêng ndơ nhhơr ma khân may, tă bơh ndô ndơ sŏk gro bơh phung rlăng Brah Yêhôva.”