I Samuel 30:15 - Nau Brah Ndu Ngơi 2023

¹⁵ Y-Đavit ôp: “May dơi njŭn gâp trŭnh hăn ma phung nây lĕ?” Păng plơ̆ lah: “Ăn may sơm ton ma gâp ma amoh Brah Ndu may mâu mra nkhĭt gâp ôh, mâu lah jao gâp ma kôranh gâp, gâp mra leo may hăn trŭnh tât phung nây.”

I Samuel 30:15 Iomraidhean Croise

Nau Ntơm 24:3

Gâp ŭch may sŏk amoh Brah Yêhôva, jêng Brah Ndu ma trôk jêh ri ma neh ntu, ăn may ton pô aơ may mâu mra sŏk ôh ur ma kon bu klâu gâp bơh phung kon bu ur phung Kanaan, ntŭk gâp gŭ aƀaơ aơ,

Êsêkiêl 17:13

Hađăch Babilôn hŏ săch jêh du huê bunuyh tâm noi deh ndŭl mpôl hađăch jêh ri ƀư nau tâm rnglăp đah bunuyh nây, ăn bunuyh nây ton. Hađăch nhŭp phung geh nau ktang tâm n'gor djôt leo hăn ndrel ma păng

Êsêkiêl 17:16

Kôranh Brah Yêhôva lah: ‘Tĭng nâm gâp gŭ rêh mro mrăng, hađăch nây mra khĭt ta bri Babilôn, tâm ntŭk păng hŏ njêng hađăch jêh, yorlah păng tâm rmot nau ton jêh ri chalơi rlau nau tâm rnglăp.

Êsêkiêl 17:19

Yor nây, Kôranh Brah Yêhôva lah: ‘Tĭng nâm Gâp gŭ rêh mro mrăng, păng hŏ tâm rmot jêh nau ton Gâp, chalơi nau Gâp tâm rnglăp yor nây Gâp mra nkhŭt lĕ rngôch ta klơ bôk păng.

Yôsuê 2:12

Pônây aƀaơ, tâm amoh Brah Yêhôva ton hom ma gâp yorlah gâp ƀư ueh ma bar hê khân may, ăn bar hê khân may tâm ban đŏng ƀư ueh ma ngih mbơ̆ gâp jêh ri ăn ma gâp du nau mbên nanê̆

Yôsuê 9:15

Y-Yôsuê ƀư nau đăp mpăn đah khân păng jêh ri ton nanê̆ ăn ma khân păng gŭ rêh, jêh ri phung kôranh chiă uănh phung ƀon lan sơm ton ma khân păng đŏng.

Phung Kôranh Phat Dôih 1:24

Phung n'hut uănh saơ du huê bunuyh luh tă tâm ƀon, pôri khân păng lah ma păng pô aơ: “Ntĭm ma hên trong gay lăp tâm ƀon, hên mra ƀư ueh ma may.”

I Samuel 29:6

Pôri, Y-Akis kuăl Y-Đavit jêh ri lah: “Nanê̆ tĭng nâm Brah Yêhôva gŭ rêh mro mrăng, may jêng du huê bunuyh sŏng, gâp ŭch ma may hăn tâm lơh ndrel ma gâp, yorlah ntơm bơh nar may tât ma gâp kŏ tât nar aơ, gâp saơ may mâu geh du ntil nau nduyh ôh. Ƀiălah phung kôranh tahan gâp mâu dơn ôh.

I Samuel 30:14

Hên hŏ lơh jêh ta Nêgep phung Chêrêthit, n'gor bri phung Yuđa, Nêgep phung Kalep, jêh ri hên lĕ su jêh ƀon Siklak.”

I Samuel 30:16

Tơlah bunuyh Êjipt nây leo Y-Đavit hăn trŭnh, păng saơ phung Amalek hăn pru pra lam n'gor nây, sông sa jêh ri pâl ntalơ̆, yorlah khân păng dơi pit âk ngăn ndơ pit sŏk tă bơh tâm bri Philistin jêh ri tâm n'gor Yuđa.