I Samuel 30:14 - Nau Brah Ndu Ngơi 2023

¹⁴ Hên hŏ lơh jêh ta Nêgep phung Chêrêthit, n'gor bri phung Yuđa, Nêgep phung Kalep, jêh ri hên lĕ su jêh ƀon Siklak.”

I Samuel 30:14 Iomraidhean Croise

II Samuel 8:18

Y-Bênaya, kon Y-Jêhôida, jêng kôranh chiă uănh ma phung Chêrêthit jêh ri phung Pêlêthit; hôm phung kon bu klâu Y-Đavit jêng kôranh ƀư brah.

I Phung Hađăch 1:38

Pôri kôranh ƀư brah Y-Sadôk hăn trŭnh ta Gihôn ndrel ma nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit. Khân păng chông Y-Salômôn hao ncho seh bri hađăch Đavit jêh ri njŭn leo trŭnh ta dak n'hor Gihôn.

I Phung Hađăch 1:44

Hađăch đă kôranh ƀư brah Y-Sadôk, nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit hăn tĭng Y-Salômôn; khân păng chông păng hao ncho seh bri hađăch.

I Nau Rêh Jêng 18:17

Y-Bênaya, kon Y-Jêhôida, mât uănh ma phung Chêrêthit jêh ri phung Pêlêthit, bi phung kon bu klâu Y-Đavit jêng phung kôranh toyh tâm kan hađăch.

Êsêkiêl 25:16

yor nây, Kôranh Brah Yêhôva lah: ‘Aơ, Gâp mra yơr ti tâm rdâng đah phung Philistin, ƀư rai lơi phung Kêrêthit jêh ri nkhĭt lĕ phung hôm e klen n'gŏ kơh dak mƀŭt.

Sôphôni 2:5

Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”

Yôsuê 14:13

Y-Yôsuê ăn nau ueh uĭn jêh ri ăn ma Y-Kalep, kon bu klâu Y-Jêphunê, ƀon Hêbron jêng drăp ndơn păng.

Yôsuê 15:13

Tĭng nâm nau vay Brah Yêhôva ntăm, Y-Yôsuê ăn ma Y-Kalep, kon bu klâu Y-Jêphunê, du kô̆ neh ta nklang phung Yuđa, jêng ƀon Kiriat-Arba, mbơ̆ Y-Anak. Nĕ jêng ƀon Hêbron.

Yôsuê 21:12

Bi ma lĕ mir tâm ƀon jêh ri lĕ ƀon jê̆ păng bu ăn ma Y-Kalep, kon bu klâu Y-Jêphunê, jêng drăp ndơn păng.

I Samuel 25:3

Bunuyh nây amoh Y-Nabal, tâm noi deh Y-Kalep; jêh ri ur păng jêng H'Abigêl. Bu ur nây geh nau blau mĭn jêh ri ueh, bi sai păng jêng dăng ko jêh ri janh ƀai.

I Samuel 30:1

Pe nar pakơi nĕ, tơlah Y-Đavit jêh ri phung tĭng ndô̆ păng hŏ tât jêh ta Siklak, phung Amalek hŏ lăp lơh jêh nkual Nêgep jêh ri ƀon Siklak, rduh lăp su ƀon Siklak ma ŭnh.

I Samuel 30:13

Y-Đavit ôp: “Mbu n'hanh may gŭ jêh ri mbah tă may?” Păng plơ̆ lah: “Gâp jêng du huê bu klâu ndăm Êjipt, oh mon ma du huê Amalek. Kôranh gâp chalơi gâp tâm pe nar jêh yorlah gâp ji.

I Samuel 30:15

Y-Đavit ôp: “May dơi njŭn gâp trŭnh hăn ma phung nây lĕ?” Păng plơ̆ lah: “Ăn may sơm ton ma gâp ma amoh Brah Ndu may mâu mra nkhĭt gâp ôh, mâu lah jao gâp ma kôranh gâp, gâp mra leo may hăn trŭnh tât phung nây.”

I Samuel 30:16

Tơlah bunuyh Êjipt nây leo Y-Đavit hăn trŭnh, păng saơ phung Amalek hăn pru pra lam n'gor nây, sông sa jêh ri pâl ntalơ̆, yorlah khân păng dơi pit âk ngăn ndơ pit sŏk tă bơh tâm bri Philistin jêh ri tâm n'gor Yuđa.