I Samuel 3:4 - Nau Brah Ndu Ngơi 2023

⁴ Dôl nây, Brah Yêhôva kuăl Y-Samuel jêh ri păng ơh: “Gâp ta aơ!”

I Samuel 3:4 Iomraidhean Croise

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

Nau Ntơm 22:11

Ƀiălah tông mpăr Brah Yêhôva bơh trôk kuăl păng: “Y-Abraham, Y-Abraham!” Păng ơh: “Gâp ta aơ.”

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Ngluh Êjipt 3:4

Brah Yêhôva saơ păng văch dăch gay uănh, Brah Ndu tă bơh nklang pŭm lok kuăl: “Hơi Y-Môis, hơi Y-Môis!” Păng ơh: “Gâp ta aơ!”

Êsai 6:8

Rnôk nây, gâp tăng bâr nteh Kôranh Brah lah: “Mbu nơm gâp mra njuăl? Mbu nơm mra hăn an ma he?” Gâp lah: “Gâp ta aơ, dăn njuăl hom gâp hăn.”

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Samuel 3:5

Jêh nây păng nchuăt tât ta Y-Êli, jêh ri ơh: “Gâp ta aơ, yorlah may hŏ kuăl gâp.” Păng lah: “Gâp mâu geh kuăl, plơ̆ bê̆ch hom!” Pônây, păng plơ̆ hăn bê̆ch tay.