I Samuel 3:19 - Nau Brah Ndu Ngơi 2023

¹⁹ Y-Samuel văch ma toyh, Brah Yêhôva gŭ ndrel păng: Păng mâu ăn du ntil nau păng ngơi roh hêng dơm dam ôh.

I Samuel 3:19 Iomraidhean Croise

Nau Ntơm 21:22

Rnôk nây, hađăch Abimêlek jêh ri Y-Pikôl jêng kôranh tahan, lah ma Y-Abraham: “Brah Ndu kơl may tâm lĕ kan may ƀư.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:3

Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê.

I Phung Hađăch 8:56

“Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

II Phung Hađăch 15:12

Pônây, nau Brah Yêhôva ton jêh ma Y-Jêhu: “Phung kon sau may mra gŭ ta sưng hađăch Israel tât ta rnôk rơh puăn,” nau nây tât di ngăn.

II Phung Hađăch 22:16

Brah Yêhôva lah: ‘Gâp mra ăn tât nau mhĭk ma ntŭk aơ jêh ri ma phung ƀon lan păng, di tĭng nâm lĕ rngôch nau ngơi bu hŏ nchih tâm ndrom samƀŭt hađăch Yuđa hŏ răk.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Luka 1:28

Tông mpăr hăn tât gay tâm mâp păng jêh ri lah: “Hơi bunuyh geh nau yô̆, ueh lăng ay! Kôranh Brah gŭ ndrel ma ay!”

Luka 1:80

Kon se jê̆ nây văch ma toyh, huêng nuih n'hâm jêng ktang, gŭ rêh tâm bri rdah tât nar păng tâm mpơl tanăp phung Israel.

Luka 2:40

Kon se jê̆ nây văch ma toyh jêh ri ktang; bêng nau blau mĭn, jêh ri nau yô̆ Brah Ndu gŭ ndrel ma Păng.

Luka 2:52

Brah Yêsu blau mĭn lơ hâu ntop, tâm săk jăn lơ hao toyh, lơ hô ƀư ueh nuih n'hâm Brah Ndu jêh ri bunuyh.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Nau Vay Nkah Tay 18:22

Lah du huê nơm mbơh lor ngơi tâm amoh Brah Yêhôva, ƀiălah nau păng ngơi mâu tât ôh jêh ri mâu saơ geh, nây jêng mâu di nau Brah Yêhôva hŏ ngơi. Nơm mbơh lor nây hŏ ngơi ma nau nklă, lơi klach ma păng ôh.”

II Timôthê 4:22

Dăn Kôranh Brah gŭ ndrel ma huêng may! Dăn nau yô̆ gŭ ndrel ma khân may!

Yôsuê 21:45

Tâm lĕ nau ton ueh Brah Yêhôva hŏ ăn jêh ma ngih Israel, mâu geh ôh du ntil nau mâu jêng ngăn. Lĕ rngôch tât di ngăn da dê jêh.

Phung Kôranh Phat Dôih 13:24

Bu ur nây deh ma du huê kon bu klâu, ntơ amoh păng jêng Y-Samsôn. Kon se jê̆ văch ma toyh, jêh ri Brah Yêhôva ăn nau ueh uĭn ma păng.

I Samuel 10:7

Tơlah saơ lĕ nau mbên nây tât ngăn may ƀư hom tĭng nâm may dơi ƀư, yorlah Brah Ndu gŭ ndrel ma may!

I Samuel 12:2

Aƀaơ, hađăch nĕ mra chiă uănh khân may. Bi gâp hŏ ranh jêh, sŏk ndra jêh, phung kon bu klâu gâp gŭ ndrel ma khân may. Gâp hŏ chiă uănh khân may ntơm bơh gâp hôm kon se jê̆ tât ta nar aơ.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 18:12

Y-Sôl klach ma Y-Đavit yorlah Brah Yêhôva gŭ ndrel ma Y-Đavit, ƀiălah hŏ chalơi jêh păng.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.

I Samuel 2:21

Brah Yêhôva uănh treng ma H'Anna; păng ntreo, jêh ri deh pe nuyh kon bu klâu jêh ri bar hê kon bu ur. Bi ma kon se Y-Samuel văch ma toyh tanăp măt Brah Yêhôva.

I Samuel 2:26

Bi kon se ndăm rah Y-Samuel lơ hao toyh tâm săk jăn, lơ ƀư ueh maak nuih n'hâm Brah Ndu jêh ri lĕ rngôch bunuyh.

I Samuel 9:6

Oh mon lah ma păng: “Aơ! geh du huê bunuyh Brah Ndu tâm ƀon aơ, jêng du huê bu yơk; Lĕ nau păng lah lor tât da dê mâu tih ôh. Pônây, he hăn hom ta nây, klăp lah păng mra ntĭm an trong ma he.”