I Samuel 3:1 - Nau Brah Ndu Ngơi 2023

¹ Nôk nây, Y-Samuel ndăm rah pah kan ma Brah Yêhôva tĭng nau Y-Êli ntĭm. Tâm rnôk nây, bu mâu vay tăng nau Brah Yêhôva ngơi, jêh ri lĕ nau tâm saơ kŏ mâu geh lĕ.

I Samuel 3:1 Iomraidhean Croise

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Nau Hôr 29:18

Ta ntŭk mâu geh ôh nau tâm saơ, phung ƀon lan brơl dah ŭch, Ƀiălah ueh maak ăn bunuyh blau djôt prăp nau vay!

Êsai 13:12

Gâp mra ăn bunuyh mpêt lơn ma mah kloh, Ăn ma kon bunuyh mpêt lơn mah bơh bri Ôphir.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

I Samuel 2:11

Y-Êlkana plơ̆ sĭt ma ngih vâl păng ta Rama, bi kon se ndăm nây gŭ pah kan ma Brah Yêhôva, kôranh ƀư brah Y-Êli jêng nơm ntĭm ma păng.

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 2:36

Mbu moh hôm klen tâm ngih may mra hăn mbah tanăp măt păng, gay dơi geh du glo prăk jêh ri du glo piăng let, jêh ri khân păng mra lah pô aơ: ‘Dăn may ăn ma gâp geh du kô̆ tâm nau pah kan kôranh ƀư brah, gay ma gâp dơi geh du glo piăng let sa.’”

I Samuel 3:15

Y-Samuel gŭ bê̆ch tât ôi, jêh nây păng pơk lĕ mpông ngih Brah Yêhôva. Y-Samuel klach mâu nănh nkoch tay nau tâm saơ nây ma Y-Êli.

I Samuel 3:21

Brah Yêhôva tâm mpơl tay ta Silô; yorlah ta nây, Brah Yêhôva tâm mpơl đah Y-Samuel ma nau Păng ngơi.