I Samuel 29:4 - Nau Brah Ndu Ngơi 2023

⁴ Ƀiălah phung kôranh chiă uănh tahan Philistin ji nuih, lah ma Y-Akis: “Mprơh hom păng plơ̆ sĭt ntŭk may de ntĭm jêh ma păng, lơi ăn ma păng hăn tâm lơh ndrel ma he, klach lah dôl tâm lơh, păng jêng rlăng he. Yorlah mâm nau păng dơi tâm nsĭr đŏng đah kôranh păng, tơlah mâu hĕ tă bơh lĕ bôk phung tahan he?

I Samuel 29:4 Iomraidhean Croise

I Nau Rêh Jêng 12:19

Geh đŏng phung Manasê ƀaƀă hăn tĭng Y-Đavit tơlah păng hăn tĭng ndrel ma phung Philistin gay tâm lơh đah Y-Sôl. Ƀiălah Y-Đavit mâu kơl phung Philistin ôh, yorlah phung kôranh Philistin ăn ma Y-Đavit hăn plơ̆ sĭt, jêh tâm nchră ndrăng păng pô aơ: “Njrăng hom păng mra sŏk bôk he jêh nây plĕch plơ̆ sĭt ma Y-Sôl, jêng kôranh păng.”

I Nau Rêh Jêng 12:20

Dôl Y-Đavit plơ̆ sĭt tât ma Siklak, phung Manasê hăn tĭng păng, geh: Y-Atna, Y-Jôsaƀat, Jêdiaêl, Y-Mikel, Y-Jôsaƀat, Y-Êlihu, jêh ri Y-Silêthai, ăp nơm jêng kôranh chiă uănh toyh ma du rbăn tahan Manasê.

Nau Ngluh Êjipt 1:10

Kay lŏng! Ăn he ƀư ma nau blau mĭn đah khân păng; lah mâu kơt nây, rnoh ƀon lan khân păng hao âk bĭk rơ̆ jêh ri lah geh nau tâm lơh tât, khân păng mra tâm rnglăp đah phung rlăng tâm lơh đah he, jêh ri du luh bơh n'gor.”

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

I Samuel 14:21

Bi phung Hêbrơ alor hŏ tĭng jêh phung Philistin, gŭ tâm pôih tahan ndrel khân păng, aƀaơ plơ̆ sĭt ndrel ma phung Israel tĭng Y-Sôl jêh ri Y-Jônathan.

I Samuel 27:6

Pôri tâm nar nây, Y-Akis ăn ma păng ƀon Siklak. Yor ri, Siklak jêng ndơ ma phung hađăch Yuđa tât ta nar aơ.

I Samuel 29:9

Y-Akis lah đŏng ma Y-Đavit: “Gâp gĭt nau nây, may ƀư nau maak ma gâp nâm bu tông mpăr Brah Ndu. Ƀiălah phung kôranh chiă uănh tahan Philistin lah: ‘Păng mâu mra dơi hăn luh ma nau tâm lơh ndrel ma he ôh.’

I Samuel 30:1

Pe nar pakơi nĕ, tơlah Y-Đavit jêh ri phung tĭng ndô̆ păng hŏ tât jêh ta Siklak, phung Amalek hŏ lăp lơh jêh nkual Nêgep jêh ri ƀon Siklak, rduh lăp su ƀon Siklak ma ŭnh.