I Samuel 28:3 - Nau Brah Ndu Ngơi 2023

³ Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.

I Samuel 28:3 Iomraidhean Croise

Nau Ngluh Êjipt 22:17

Tơlah mbơ̆ bu ur nây dun mâu ôh ăn păng sŏk ƀư ur, păng mra ăn prăk ndah rnoh ndơ bu vay nđăp ma phung bu ur druh.

Nau Ngluh Êjipt 22:18

Mâu dơi om ôh nau rêh ma phung bu ur n'hŭm.

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 25:1

Y-Samuel khĭt, jêh ri lĕ rngôch phung ƀon lan Israel tâm rƀŭn nhĭm vơl ma păng. Khân păng tâp păng tâm ƀon tơm ngih păng ta Rama. Jêh nau nây, Y-Đavit hăn trŭnh tâm bri rdah Paran.

I Samuel 28:9

Bu ur nây plơ̆ lah: “Aơ, may gĭt jêh rah vah nau Y-Sôl ƀư jêh, păng hŏ nsot lơi jêh phung gru rƀên jêh ri phung n'hŭm luh bơh n'gor. Pônây, mâm dĭng păng ƀư dăk sân ŭch nkhĭt gâp?”

I Samuel 7:17

Jêh nây păng plơ̆ sĭt ma Rama, yorlah ngih păng ta nây. Ta Rama, păng phat dôih đŏng phung Israel, jêh ri ta nây păng ndâk du nơng ƀư brah ma Brah Yêhôva.