I Samuel 27:8 - Nau Brah Ndu Ngơi 2023

⁸ Y-Đavit jêh ri phung tahan păng hăn hao lơh phung Gêsurit, phung Girsit, jêh ri phung Amalek. Nĕ jêng lĕ phung ƀon lan gŭ lĕ jŏ jêh tâm n'gor bri Sur tât ta n'gor bri Êjipt.

I Samuel 27:8 Iomraidhean Croise

II Samuel 14:23

Jêh nây Y-Jôap dâk hăn trong, tât ta n'gor Gêsur jêh ri leo Y-Apsalôm plơ̆ sĭt ma ƀon Yêrusalem.

II Samuel 14:32

Y-Apsalôm plơ̆ lah ma Y-Jôap: “Aơ, gâp prơh bunuyh kuăl may văch ta aơ, gay ma gâp dơi prơh may hăn mbơh ma hađăch: ‘Mâm ƀư dĭng gâp plơ̆ sĭt tă bơh n'gor Gêsur? Ueh lơn gâp ăt hôm gŭ ta nây.’ Pôri aƀaơ, gâp ŭch hăn tanăp hađăch. Tơlah gâp geh nau tih, ăn păng nkhĭt gâp.”

II Samuel 15:8

Yorlah dôl gâp gŭ ta n'gor Gêsur tâm n'gor Aram, oh mon hađăch ƀư jêh nau ton pô aơ: ‘Tơlah Brah Yêhôva djôt leo gâp plơ̆ sĭt ma ƀon Yêrusalem, rnôk nây gâp mra pah kan Brah Yêhôva.’”

II Samuel 3:22

Nôk nây phung oh mon Y-Đavit hăn ndrel ma Y-Jôap plơ̆ sĭt tă bơh nau tâm lơh, djôt leo âk ngăn ndơ pit sŏk, ƀiălah Y-Apner mâu hôm gŭ ndrel ma Y-Đavit ta Hêbron ôh; yorlah Y-Đavit lĕ ăn păng sĭt, păng hăn ma nau đăp mpăn.

II Samuel 3:3

kon rơh bar jêng Y-Chêliap, kon bơh H'Abigêl, ur drô Y-Nabal ta yôk Karmel; kon rơh pe jêng Y-Apsalôm, kon bơh H'Maka, kon bu ur Y-Talmai, hađăch n'gor Gêsur;

II Samuel 8:12

Phung Aram, phung Môap, phung Ammôn, phung Philistin, jêh ri phung Amalek, jêh ri păng ƀư tâm ban lĕ ndô ndơ sŏk gro bơh Y-Hadadêser kon bu klâu Y-Rêhôp hađăch n'gor Sôba.

I Nau Rêh Jêng 2:23

Phung Gêsur jêh ri phung Siri pit in ƀon Jar jêh ri ƀon Kênat, ndrel ma lĕ n'gor jŭm glom geh prao jât ƀon. Lĕ rngôch phung nây jêng phung kon sau Y-Makir, mbơ̆ Y-Gilêat.

Nau Ngluh Êjipt 15:22

Jêh nây, Y-Môis njŭn leo phung Israel du luh bơh Dak mƀŭt Chăng, hăn lăp tâm bri rdah Sur. Khân păng hăn pe nar tâm bri rdah ƀiălah mâu saơ ôh dak.

Nau Ngluh Êjipt 17:8

Aƀaơ phung tahan Amalek văch ŭch tâm lơh đah phung Israel ta Rêphidim.

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Nau Kơp Bunuyh 14:45

Phung ƀon lan Amalek jêh ri phung Kanaan gŭ tâm n'gor klơ dor yôk hăn trŭnh tâm lơh rai Phung ƀon lan Israel jêh ri tĭng khân păng tât ta Hôrma.

Yôsuê 12:5

Hađăch nây chiă uănh n'gor yôk Hermôn, nkual Salêka, jêh ri lĕ bri Basan, tât ta n'har phung Gêsurit jêh ri phung Makatit, jêh ri du n'gul bri Gilêat tât ta n'har neh Y-Sihôn, hađăch ƀon Hêsbôn.

Yôsuê 13:13

Ƀiălah phung ƀon lan Israel mâu mprơh ôh phung Gêsur jêh ri phung Makatit. Yor ri, phung Gêsurit jêh ri phung Makatit hôm gŭ vah vang phung Israel kŏ tât ta nar aơ.

Yôsuê 13:2

Aơ jêng bri hôm e: Lĕ rngôch bri phung Philistin jêh ri lĕ rngôch bri phung Gêsurit

Yôsuê 16:10

Ƀiălah, khân păng mâu mprơh ôh phung Kanaan gŭ tâm ƀon Gêser, pônây phung Kanaan gŭ ta nklang phung Êphraim kŏ tât ta nar aơ, ƀiălah bu phak khân păng pah kan tâm ban ma dĭk.

Phung Kôranh Phat Dôih 1:29

Ndŭl mpôl Êphraim ăt mâu mprơh ôh phung Kanaan gŭ tâm ƀon Gêser, pôri phung Kanaan ăt gŭ tâm ƀon Gêser n'hanh khân păng.

I Samuel 29:6

Pôri, Y-Akis kuăl Y-Đavit jêh ri lah: “Nanê̆ tĭng nâm Brah Yêhôva gŭ rêh mro mrăng, may jêng du huê bunuyh sŏng, gâp ŭch ma may hăn tâm lơh ndrel ma gâp, yorlah ntơm bơh nar may tât ma gâp kŏ tât nar aơ, gâp saơ may mâu geh du ntil nau nduyh ôh. Ƀiălah phung kôranh tahan gâp mâu dơn ôh.

I Samuel 30:1

Pe nar pakơi nĕ, tơlah Y-Đavit jêh ri phung tĭng ndô̆ păng hŏ tât jêh ta Siklak, phung Amalek hŏ lăp lơh jêh nkual Nêgep jêh ri ƀon Siklak, rduh lăp su ƀon Siklak ma ŭnh.