I Samuel 27:11 - Nau Brah Ndu Ngơi 2023

¹¹ Y-Đavit mâu om rêh ôh bu klâu mâu lah bu ur lah hôm rêh bu leo sĭt ma ƀon Gat, yorlah păng lah: “Klach lah khân păng mra nkoch bri nau ƀư mhĭk ma he pô aơ: ‘Y-Đavit hŏ ƀư kơt nây.’” Dôl tâm mông nar Y-Đavit gŭ tâm n'gor bri phung Philistin, păng ăt vay ƀư tâm ban lĕ.

I Samuel 27:11 Iomraidhean Croise

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Yêrêmi 41:4

Nar tal bar jêh nau nkhĭt ntŭng Y-Gêdalia, lah bu ê hŏ gĭt nau nây,

I Samuel 22:22

Y-Đavit lah ma Y-Abiathar: “Gâp gĭt jêh Y-Dôek, bunuyh Êđôm, geh măt ta aơ tâm nar nây, nanê̆ păng mra mbơh ma Y-Sôl. Nau nây yor ma gâp, lĕ rngôch ngih vâl mbơ̆ may lĕ khĭt da dê.

I Samuel 27:10

Tơlah Y-Akis ôp: “Nar aơ, ta ntŭk may lơh sŏk gro?” Y-Đavit plơ̆ lah: “Nêgep tâm n'gor Yuđa,” mâu lah “Nêgep phung Jêrahmêlit,” mâu lah “Nêgep phung Kênit.”

I Samuel 27:12

Yor ri, hađăch Akis nsing ma Y-Đavit, yorlah gŭ mĭn: “Păng ƀư ma păng nơm jêng ndơ tâm rmot ngăn đah phung Israel, jêng phung ƀon lan păng, jêh ri păng mra jêng oh mon gâp mro mrăng.”

I Samuel 30:2

Khân păng nhŭp phung bu ur jêh ri lĕ rngôch phung gŭ tâm ƀon nây, phung jê̆ nđâp toyh. Khân păng mâu nkhĭt du huê ôh, ƀiălah nhŭp jêng bu nă jêh ri leo phung nây hăn.