I Samuel 27:1 - Nau Brah Ndu Ngơi 2023

¹ Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”

I Samuel 27:1 Iomraidhean Croise

I Phung Hađăch 12:26

Nôk nây, Y-Jêrôbôam lah tâm nuih n'hâm păng: “Klăp lah ƀon bri hađăch mra plơ̆ sĭt tay ma ngih Y-Đavit.

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

I Phung Hađăch 19:3

Y-Êli klach jêh ri dâk nchuăt du gay tâm rklaih nau rêh păng nơm. Tât ta Bêr-Sêba tâm n'gor Yuđa, păng ăn oh mon păng gŭ ta aơ.

II Nau Rêh Jêng 25:17

Lah jêh tâm nchră ndrel ma phung nơm kơl nchră, Y-Amasia, hađăch Yuđa, njuăl bâr ngơi ma Y-Jôas, kon Y-Jôacha, sau Y-Jêhu, hađăch Israel pô aơ: “Văch hom, gay he tâm thâng muh măt.”

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Mprơ Ơm 55:7

Di ngăn, gâp mra du ngai Jêh ri gŭ tâm bri rdah. (Sêla)

Nau Ngluh Êjipt 14:12

Mâu di hên hŏ lah jêh ma may ta n'gor Êjipt pô aơ: ‘Kđôi phung hên, ăn hên pah kan ma phung Êjipt’ di bơh? Yorlah hên ƀư dĭk ta nây jêng ueh lơn hên khĭt tâm bri rdah!”

Nau Hôr 13:12

Nau kâp gân njong tay ƀư ăn nuih n'hâm nđêh nji, Ƀiălah nau gay ŭch tât jêh jêng tơm si nau rêh.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Nau Kơp Bunuyh 14:3

Mâm Yêhôva njŭn leo hên mŭt ta n'gor aơ gay ăn hên khĭt ma đao? Phung ur kon hên mra jêng ndơ khân păng sŏk gro. Bi ma hên, mâu ueh hĕ ăn ma hên plơ̆ sĭt rlet ma n'gor bri Êjipt?”

Mathay 14:31

Ƀât lât, Brah Yêsu yơr ti đŏt Y-Pêtrôs jêh ri lah pô aơ: “Hơi bunuyh geh djê̆ nau chroh, mâm ƀư may đing?”

Markôs 4:40

Jêh nây Păng đă phung oh mon: “Mâm ƀư khân may klach hâu ir kơt nây? Mâu geh nau chroh ƀơh?”

II Kôrintô 7:5

Yorlah nôk tât ta n'gor Masêđôn, nglay săk hên mâu mâp geh rlu ôh, nau rêh ni gŭ jŭm hên — nau tâm lơh padih, nau klach tâm trôm.

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 22:5

Ƀiălah nơm mbơh lor Y-Gat lah ma Y-Đavit: “Lơi hôm dĭng gŭ ôh tâm pôih; hăn hom tât ta n'gor Yuđa.” Pôri Y-Đavit hăn du luh jêh ri tât ta bri krŏng Hêret.

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”

I Samuel 25:30

Tơlah Brah Yêhôva hŏ ƀư jêh ma kôranh gâp lĕ rngôch nau ueh Păng hŏ ton jêh, jêh ri tơlah păng hŏ njêng may ƀư kôranh chiă uănh ma phung Israel,

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’

I Samuel 29:2

Dôl phung tahan Philistin hăn n'hoch luh lor băl rhiăng jêh ri băl rbăn phung tahan khân păng, Y-Đavit ndrel phung tahan păng hăn tĭng pakơi ndrel ma Y-Akis.

I Samuel 29:3

Rnôk nây, phung kôranh chiă uănh tahan Philistin lah: “Mbu phung Hêbrơ aơ gŭ ta aơ?” Y-Akis plơ̆ lah: “Nây jêng Y-Đavit, oh mon Y-Sôl, hađăch Israel, gŭ ndrel ma gâp hŏ jŏ nar jêh. Ntơm bơh nar păng văch tât ma ntŭk he n'ho tât ma aƀaơ, gâp mâu saơ ôh nau tih tâm păng.”