I Samuel 26:8 - Nau Brah Ndu Ngơi 2023

⁸ Y-Abisai lah ma Y-Đavit: “Nar aơ, Brah Ndu jao jêh nơm rlăng may tâm ti may. Ăn gâp sŏk tak gay ntâp păng, knŏng du tong dơm mra rchiăt păng tâm neh; mâu hôm ŭch ntâp tal bar ôh.”

I Samuel 26:8 Iomraidhean Croise

II Samuel 16:9

Rnôk nây, Y-Abisai, kon bu klâu H'Sêruya, lah ma hađăch: “Mâm so khĭt aơ nănh rak rtăp hađăch jêng kôranh gâp? Ăn gâp hăn koh lơi trô ko păng.”

Nau Mprơ Ơm 31:8

Kôranh Brah mâu jao gâp tâm ti phung rlăng ôh, Ƀiălah dơm jâng gâp tâm ntŭk huy.

Yêrêmi 40:15

Y-Jôhanan, kon bu klâu Y-Karêa, ngơi ma nau ndâp đah Y-Gêdalia ta ƀon Mispa: “Dăn may ăn ma gâp hăn nkhĭt lơi Y-Ismaêl, kon bu klâu Y-Nêthania, bu mâu mra gĭt ôh. Mâm ƀư ăn păng ngroh lơi nau rêh may, ƀư ăn ma lĕ rngôch phung Yuđa tâm rgum jŭm may mra nchah rai pru pra, jêh ri phung ƀon lan Yuđa hôm klen mra rai lôch?”

Nahum 1:9

Moh nau khân may mĭn ŭch ƀư gay ma tâm rdâng đah Brah Yêhôva? Păng Nơm ro mra yơr ti ƀư rai lĕ, Jêh ri nau rêh ni mâu mra geh ôh bar tơ̆ tât.

Samƀŭt Pôl Njuăl Ăn Ma Phung Nsing Ta Ƀon Rôm 11:32

Yorlah Brah Ndu krŭng jêh lĕ rngôch bunuyh tâm ntŭk mâu tông bâr gay yô̆ nđach ma lĕ rngôch.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Yôsuê 21:44

Brah Yêhôva ăn ma khân păng tâm lam ntŭk dơi geh tâm nau mpăn rlêk, di tĭng nâm Păng ton jêh ma phung chô yau khân păng, mâu geh ôh phung rlăng dơi dâk tanăp khân păng. Brah Yêhôva jao jêh lĕ rngôch phung rlăng nây tâm ti khân păng.

Phung Kôranh Phat Dôih 1:4

Phung ndŭl mpôl Yuđa hăn hao jêh ri Brah Yêhôva jao phung Kanaan jêh ri phung Pêrisit tâm ti khân păng. Khân păng dơi đah jât rbăn nuyh phung nây ta Bêsek.

I Samuel 23:14

Y-Đavit gŭ tâm lĕ ntŭk nâp jăp tâm bri rdah klơ tâm n'gor dor yôk bri rdah Sip. Y-Sôl tĭng nhŭp păng ăp nar, ƀiălah Brah Ndu mâu jao păng tâm ti Y-Sôl ôh.

I Samuel 24:4

Y-Sôl hăn văch dăch ndrung biăp êp trong. Ta nây geh du trôm lŭ, Y-Sôl lăp ta nây gay hăn puk ndŭl. Nôk nây, Y-Đavit jêh ri phung tĭng ndô̆ păng dôl gŭ tâm glĕ dŭt trôm.

I Samuel 24:5

Phung tĭng ndô̆ Y-Đavit lah ma păng: “Aơ jêng nar Brah Yêhôva hŏ lah ma may: ‘Aơ, Gâp jao phung rlăng may tâm ti may. Lơh hom ma păng tĭng may ŭch.’” Ƀiălah Y-Đavit dâk, koh ntŭng ntôr ao rjai Y-Sôl.

I Samuel 26:23

Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.

I Samuel 26:7

Dôl bri măng, Y-Đavit jêh ri Y-Abisai hăn tât ta ntŭk phung tahan, saơ Y-Sôl gŭ lâng bê̆ch tâm pôih tahan, tak păng ntâp ta neh ta bôk bê̆ch. Y-Apner jêh ri phung tahan gŭ bê̆ch jŭm Y-Sôl.

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”