I Samuel 26:5 - Nau Brah Ndu Ngơi 2023

⁵ Y-Đavit hăn trong jêh ri tât ma ntŭk Y-Sôl ƀư pôih tahan. Y-Đavit saơ ntŭk bê̆ch Y-Sôl jêh ri Y-Apner, kon Y-Ner, jêng kôranh tahan păng. Y-Sôl gŭ bê̆ch tâm pôih tahan, geh phung tahan ƀư pôih gŭ văr jŭm păng.

I Samuel 26:5 Iomraidhean Croise

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

I Nau Rêh Jêng 9:39

Y-Ner jêng mbơ̆ Y-Kis; Y-Kis jêng mbơ̆ Y-Sôl; Y-Sôl jêng mbơ̆ Y-Jônathan, Y-Malki-Sua, Y-Abinadap, jêh ri Y-Êsbaal.

I Samuel 17:20

Kah ôi taơ, Y-Đavit kah rngăl ơm, jao biăp păng ma du huê rmăk gŭ chiăp, jêh nây sŏk ndơ hăn trong tĭng nâm nau Y-Yêsê ntĭnh jêh ma păng. Tơlah Y-Đavit hŏ hăn tât ta pôih tahan, dôl phung ta hăn luh dăp tahan jêh ri troh nter ma nau tâm lơh.

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”

I Samuel 26:4

Y-Đavit prơh bunuyh hăn n'hut uănh, jêh ri gĭt nanê̆ jêh ma Y-Sôl lĕ tât jêh.

I Samuel 9:1

Rnôk nây, geh du huê bunuyh bơh noi deh Benjamin, geh nau dơi jêh ri ndrŏng ngăn ngên, ntơ amoh Y-Kis. Păng jêng kon bu klâu Y-Abiêl, sau Y-Sêror, se Y-Bêkôrat, săn Y-Aphia, jêng kon bu klâu du huê phung Benjamin.