I Samuel 26:23 - Nau Brah Ndu Ngơi 2023

²³ Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.

I Samuel 26:23 Iomraidhean Croise

II Samuel 22:21

Brah Yêhôva hŏ nkhôm jêh ma gâp tĭng nâm nau sŏng srăng gâp; Păng mplơ̆ ma gâp tĭng nâm nau kloh ti gâp,

II Samuel 22:25

Yor nây, Brah Yêhôva hŏ mplơ̆ sĭt jêh ma gâp tĭng nâm nau sŏng srăng gâp, Jêh ri tĭng nau kloh ti gâp tanăp Păng.

I Phung Hađăch 8:32

pôri dăn ma May klơ trôk rkêng tôr iăt, ƀư an jêh ri phat dôih phung oh mon May, tâm rmal nơm geh nau tih, ƀư ăn păng tuy nau tih păng nơm, jêh ri dăn May Kơp nau sŏng srăng ma nơm Kơp nau sŏng srăng ma nau nkhôm tĭng nâm nau sŏng srăng păng.

Nêhêmi 13:14

“Hơi Brah Ndu gâp! Yor ma nau aơ, kah gĭt an ma gâp jêh ri lơi ta jut lĕ kan ueh gâp hŏ ƀư jêh ma ngih Brah Ndu, jêh ri ma nau pah kan Păng.”

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’

I Samuel 24:12

Pônây, hơi mbơ̆! Uănh hom ntôr ao rjai may tâm ti gâp. Yorlah gâp koh jêh ntôr ao rjai may, ƀiălah mâu nkhĭt may, dăn may gĭt hom jêh ri saơ pô aơ gâp mâu geh nau djơh mhĭk ôh, mâu lah nau ƀlêp ƀlêr ôh. Gâp mâu lĕ geh nau tih yorlah ƀư mhĭk ma may, bi may nkhơng ma ŭch nchron gâp gay ƀư ngroh lơi nau rêh gâp. Dăn Brah Yêhôva phat dôih ta klang gâp đah may.

I Samuel 24:18

Păng lah ma Y-Đavit: “May jêng sŏng srăng lơn ma gâp, yorlah may sŏk nau ueh gay mplơ̆ sĭt nau mhĭk gâp hŏ ƀư jêh ma may.

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”

I Samuel 26:22

Y-Đavit ơh: “Aơ jêng tak hađăch, ăn du huê oh mon hađăch hăn văch ta aơ sŏk păng.

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”