I Samuel 26:16 - Nau Brah Ndu Ngơi 2023

¹⁶ Nau may hŏ ƀư aơ mâu ueh ôh. Tĭng nâm Brah Yêhôva gŭ rêh mro mrăng, may khư ma nau khĭt yorlah may mâu kâp njrăng ôh kôranh may, jêng nơm Brah Yêhôva hŏ tŏ jêh dak ƀâu kah. Aƀaơ, uănh hom ta ntŭk tak hađăch may jêh ri dak yăng ta bôk bê̆ch păng?”

I Samuel 26:16 Iomraidhean Croise

II Samuel 12:5

Y-Đavit hao ji nuih ngăn ma bunuyh ndrŏng nây, jêh ri lah ma Y-Nathan: “Nanê̆ tĭng nâm Brah Yêhôva gŭ rêh mro mrăng, bunuyh hŏ ƀư nau nây khư nau khĭt yơh!

II Samuel 19:28

Yorlah lĕ rngôch ngih mbơ̆ gâp knŏng jêng phung bunuyh prăp ma nau khĭt tanăp măt hađăch jêng kôranh gâp dơm, ƀiălah may n'gân dơm oh mon may ndrel ma phung gŭ sông sa ta sưng sông may. Pônây, moh nau dơi êng đŏng gâp hôm geh gay ŭch dăn ma hađăch?”

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

Nau Mprơ Ơm 102:20

Păng iăt nau phung bu nă nđêng nđor, Jêh ri rklaih phung bu jao jêh ma nau khĭt.

Nau Mprơ Ơm 79:11

Ăn nau phung bu nă nter vơl tât tanăp May; Tĭng nâm nau brah May dŭt toyh ngăn ngên, Dăn tâm rklaih phung dôl tâm mâp đah nau khĭt.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.

I Samuel 20:31

Nanê̆ ngăn, ndah ir jŏ kon Y-Yêsê hôm rêh ta neh ntu, may mâu lah ƀon bri hađăch may mâu lĕ mra jêng nâp ktang! Pôri aƀaơ, prơh hom bunuyh hăn joi păng, njŭn leo păng sĭt ma gâp! Yorlah n'hêl nê̆ păng mra khĭt!”

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”

I Samuel 26:15

Y-Đavit lah ma Y-Apner: “Mâu di hĕ may jêng du huê ktang? Mbu nơm jêng nâm bu may tâm n'gor Israel? Pônây, mâm ƀư may mâu kâp njrăng ma hađăch, jêng kôranh may? Tâm phung ƀon lan geh nơm ŭch nkhĭt hađăch jêng kôranh may.

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”