I Samuel 26:15 - Nau Brah Ndu Ngơi 2023

¹⁵ Y-Đavit lah ma Y-Apner: “Mâu di hĕ may jêng du huê ktang? Mbu nơm jêng nâm bu may tâm n'gor Israel? Pônây, mâm ƀư may mâu kâp njrăng ma hađăch, jêng kôranh may? Tâm phung ƀon lan geh nơm ŭch nkhĭt hađăch jêng kôranh may.

I Samuel 26:15 Iomraidhean Croise

II Samuel 3:38

Hađăch lah ma phung oh mon păng: “Khân may mâu gĭt hĕ ma du huê kôranh chiă uănh, du huê bunuyh khlay lĕ chôt jêh nar aơ tâm n'gor Israel?

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Mathay 26:40

Păng plơ̆ tay ma phung oh mon jêh ri saơ khân păng gŭ bê̆ch jêh, Păng lah ma Y-Pêtrôs pô aơ: “Mâm khân may mâu gŭ rngeh ndrel Gâp du mông?

I Samuel 26:14

Păng kuăl phung tahan jêh ri Y-Apner, kon Y-Ner: “Hơi Y-Apner, may mâu plơ̆ lah lĕ?” Y-Apner plơ̆ lah: “Mbu moh may, nơm nănh kuăl hađăch?”

I Samuel 26:16

Nau may hŏ ƀư aơ mâu ueh ôh. Tĭng nâm Brah Yêhôva gŭ rêh mro mrăng, may khư ma nau khĭt yorlah may mâu kâp njrăng ôh kôranh may, jêng nơm Brah Yêhôva hŏ tŏ jêh dak ƀâu kah. Aƀaơ, uănh hom ta ntŭk tak hađăch may jêh ri dak yăng ta bôk bê̆ch păng?”