I Samuel 26:12 - Nau Brah Ndu Ngơi 2023

¹² Pôri, Y-Đavit sŏk tak jêh ri dak yăng bơh bôk bê̆ch Y-Sôl, jêh nây bar hê khân păng dâk hăn. Mâu geh nơm saơ ôh, mâu geh nơm gĭt ôh, jêh ri mâu geh nơm kah rngăl, lĕ rngôch hăk bê̆ch da dê, yorlah Brah Yêhôva hŏ ƀư ăn ma khân păng lêt bê̆ch.

I Samuel 26:12 Iomraidhean Croise

Nau Ntơm 15:12

Kêng nar nhâp, Y-Abram lêt bê̆ch; jêh ri aơ, nau ngo klĕng, nau klach hâu ngăn, jêh ri nau ngo mbâl tŭp nkŭm klơ păng.

Nau Ntơm 2:21

Yêhôva Brah Ndu ƀư ăn Y-Ađam lêt bê̆ch, jêh ri sŏk du mlâm nting rpaih, jêh nây sŏk mlay njĭr tay.

Êsther 6:1

Măng nây, hađăch mâu hăk bê̆ch ôh. Hađăch ntĭnh bu njŭn tâm ndrom samƀŭt nau rêh jêng ma phung hađăch rŏ ma hađăch tăng.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

I Samuel 24:4

Y-Sôl hăn văch dăch ndrung biăp êp trong. Ta nây geh du trôm lŭ, Y-Sôl lăp ta nây gay hăn puk ndŭl. Nôk nây, Y-Đavit jêh ri phung tĭng ndô̆ păng dôl gŭ tâm glĕ dŭt trôm.

I Samuel 26:13

Jêh nây Y-Đavit rgăn đah ri, dâk ta klơ n'gơn yôk, ngai ngăn đah ntŭk pôih Y-Sôl.

I Samuel 26:7

Dôl bri măng, Y-Đavit jêh ri Y-Abisai hăn tât ta ntŭk phung tahan, saơ Y-Sôl gŭ lâng bê̆ch tâm pôih tahan, tak păng ntâp ta neh ta bôk bê̆ch. Y-Apner jêh ri phung tahan gŭ bê̆ch jŭm Y-Sôl.