I Samuel 24:9 - Nau Brah Ndu Ngơi 2023

⁹ Jêh ta nây Y-Đavit dâk, hăn luh bơh trôm lŭ nây tâm ban lĕ jêh ri kuăl Y-Sôl: “Hơi hađăch, kôranh gâp!” Y-Sôl n'gĭl pakơi păng nơm, Y-Đavit păn muh măt ta neh jêh ri mbah.

I Samuel 24:9 Iomraidhean Croise

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 141:6

Dôl bu klŭp phung kôranh phat dôih khân păng jŭr ta keng lŭ; Khân păng mra rbăng nau gâp ngơi jêng di.

Nau Hôr 16:28

Bunuyh kue srih nau tâm djrel, Phung suai rak tâm nkhah mĭt jiăng nơm.

Nau Hôr 17:4

Bunuyh ƀư ƀai rle nuih n'hâm mpeh bâr djơh mhĭk; Bunuyh vay ngơi mƀruh rkêng tôr iăt mpiăt nau mhĭk.

Nau Hôr 18:8

Nau nơm nkoch bri nsak nâm bu ndơ sa kah, Păng lăp trŭnh tât proch klơm.

Nau Hôr 25:23

Sial nđik jêng mih, Bi mpiăt ngơi kek ma nau ndâp ƀư ăn muh măt ji nuih hâu ngăn.

Nau Hôr 26:28

Mpiăt mƀruh tâm rmot ma phung păng ƀư mhĭk, Jêh ri trôm mbung ngơi njĭp n'hi ƀư nau rai yot.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Yêrêmi 37:18

Y-Yêrêmi ôp đŏng ma Hađăch Sêdêkia: “Moh ndơ gâp hŏ ƀư nau mâu di đah may, ma phung oh mon may mâu lah ma phung ƀon lan aơ, tât may nhŭp krŭng gâp?

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Yakơ 3:6

Mpiăt ăt jêng ŭnh lĕ. Tâm lĕ kô̆ săk jăn he, mpiăt jêng neh ntu nau tih mhĭk, ƀư ƀơ̆ lĕ săk jăn, su lĕ nau rêh, jêh ri ŭnh tă bơh ndrung ŭnh ăt su păng.

I Samuel 20:1

Y-Đavit du tă bơh Naiôt tâm Rama, văch ma Y-Jônathan, jêh ri ôp: “Moh nau gâp hŏ ƀư? Moh nau dĭng gâp jêng tih? Moh nau tih gâp hŏ ƀư tih jêh đah mbơ̆ may, kŏ tât păng joi nkhĭt gâp?”

I Samuel 20:41

Tơlah nơm oh mon nây hăn jêh, Y-Đavit dâk ta bơh mpeh rđŭng, chŭn muh măt ta neh pe tơ̆, jêh nây bar hê khân păng tâm ut chŭm ndrăng khân păng jêh ri nhĭm, Y-Đavit nhĭm hâu lơn.

I Samuel 24:10

Y-Đavit lah ma Y-Sôl: “Mâm ƀư hađăch iăt nau bu lah pô aơ: ‘Y-Đavit joi ƀư mhĭk ma may?’

I Samuel 24:8

Y-Đavit lah lĕ nau ngơi nây gay nduyh phung tĭng ndô̆ păng, jêh ri buay khân păng lơi dĭng rduh lơh Y-Sôl. Bi Y-Sôl dâk hăn luh bơh trôm lŭ, jêh ri hăn tay trong păng.

I Samuel 26:18

Păng lah tay: “Mâm ƀư kôranh hăn tĭng oh mon may pônây? Moh nau gâp lĕ ƀư jêh, jêh ri moh nau tih ti gâp lĕ ƀư?

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’